正宗水上人氣鍋專門店 (已結業)

今晚朋友話帶我去旺角食蒸氣海鮮，滿心期待。原來朗豪坊附近就有一間！ 餐廳燈光光猛，坐得舒服。每枱都見到三角形既蓋，仲要同盞燈好似，好得意。 餐牌大量海鮮選擇，又有其他小菜可選，都幾多野食。我地當然叫蒸海鮮為主。 有店員專門負責我地張枱，會同我地蒸海鮮，所以佢地d時間掌握得好好。佢地亦有蒸野既次序，由淺入深，由淡口味既背殻海鮮開始。 刀貝只要係facebook點讚就有得送，雖然係送既，不過都好新鮮，蒸完之後飲一飲佢既汁，帶有少少鮮既咸味。 蝴蝶蚌蒸熟左打開蓋之後，外形似足蝴蝶，食落爽口，完全唔需要醬汁。 象牙蚌蒜茸粉絲好香蒜茸味，象牙蚌連埋蒜茸粉絲一齊食，口感豐富，十分惹味。 黑松露蒸大元貝少有係大元貝上面用左黑松露去蒸，所以蒸完之後會聞到好香黑松露味，連埋元貝食，味道口感都好特別。 海中蝦非常新鮮，因為上枱既時候仲係識得郁，一定有番咁上下質素。蒸完要小心熱，因為去殻既時候差小小燙到。蝦咬落去啖啖肉，而且爽口。 臘香鮑魚粒糯米飯好大盤糯米飯，上面有臘腸，潤腸同埋飽魚。平時糯米飯都要蒸得比較耐，係呢個咁勁既鍋之下，唔駛十分鐘已經有得食。出奇地糯米飯係冇落過豉油去蒸，但係入口就好香臘味既味