泉居火鍋料理 (已結業)

朋友係要見既！平時工作忙碌，今日終於抽到時間同朋友聚舊🍻 慢慢嘆邊爐，傾下偈！今日星期日，全單有八折優惠，食得更盡興！泉居椰子雞鍋（半隻）（298）湯底清甜，難得嘅雞件依然保持香滑，越煲得耐越濃味，係好舒服嘅口味，可以當湯咁飲！章紅魚刺身（例）（498）擺碟精緻，味道新鮮。本地靚肥牛（例）（298）脂肪同肉嘅比例平均，肉味十足，好啱我嘅口味，食落去口感亦不乾柴。台灣爆漿大貢丸（88）確實做到爆漿嘅效果，要小心辣親，慢慢食🤣泉居手工丸（148）手工丸特別彈牙，有嚼勁，鮮蝦丸真係食到粒粒爽口嘅蝦肉，每款口味都有水準。雜菇拼盆（68）同湯底好搭配！日本asahi (69)難得放假有機會敘舊，當然要啤一啤佢🍻🍻好滿足嘅一餐！期待下一次再聚！