味吉長龍

营业中

休息中

呢間係石亭同沃川兩間尖沙咀居酒屋嘅新分店，同一個老細經營，行簡單路線，主打清湯拉麵，喺香港比較少見，主食可因應個人喜好選擇麵嘅軟硬程度、湯底味（海鹽、醬油、特製味噌）、香蔥、香筍等配料。私心推介海龍，則鹽味濃清湯蛤蠣拉麵，湯底清得嚟帶微微鹹度，麵條吸滿精華，好掛汁，若叫硬嘅口感會更煙靭，旁邊放上新鮮，鮮甜又飽滿嘅蜆，食完都唔會覺得膩。食嘅濃味嘅朋友仔可以叫金龍，則濃湯海老拉麵，賣相一流，紅噹噹，蝦已剝殼去腸，幾貼心，湯底濃厚，十分惹味。小食方面都有唔少選擇，自家製魷魚豚肉餃子，有冰花效果，脆底，餡料足、炸洋蔥圈外層金黃酥脆，咬落彈牙。飲品更有日本果汁同汽水供應，蜜瓜、白桃、西瓜、芒果、綠茶可樂、柚子汽水等，解膩解暑。