影片
更多
2011-05-18
之前係groupon買左兩張coupon今日特登帶母親大人黎試食間鋪都好易揾雖然佢地址寫住係廟街但其實係馬路既另一邊澳洲牛奶公司後面條街餐廰以紫粉紅色同黑色為主吊燈仲好靚不過佢俾我個feel有D似泰國菜多D一坐低就問侍應可唔可以一次過用兩張coupon佢話無問題 仲即刻攞張點心紙俾我地劃每張coupon可以劃3樣點心咁我地一共劃左6樣潮州蒸粉粿: 好靚, 三粒都好飽滿。d皮厚度適中, 軟QQ的, 一d都唔un唔難咬。餡料比軟多粉葛, 少少西芹, dd蝦米, 得一粒花生。調味恰當, 食落好清爽&清新, 我個人最愛哩款鮮蝦菜苗餃: 其中有一粒個皮爆開左, 不過都好靚好大粒。個皮都係咁正, 餡料係白菜仔切幼粒, 同埋幾粒蝦肉, 咬起黎好爽口彈牙, 又係一道好清新既點心, 唔錯!脆皮鮮蝦腸: 豉油係另上, 不過我最終都係倒左落去, 因為佢好軟稔稔, 比軟難挾 d皮雖然軟, 但唔係話食落去一糰粉, 你仲係同一個感覺: 好Q軟熟呀~!! 加埋入面d脆脆同勁大隻又彈牙既蝦.......我只可以講: 唔食....就笨雞球大包: 個包真係幾大, 仲要好清楚見到有1/4隻雞蛋係入面, 仲有蝦肉. 雞肉,
今日特登帶母親大人黎試食
間鋪都好易揾
雖然佢地址寫住係廟街
但其實係馬路既另一邊
澳洲牛奶公司後面條街
餐廰以紫粉紅色同黑色為主
吊燈仲好靚
不過佢俾我個feel有D似泰國菜多D
一坐低就問侍應可唔可以一次過用兩張coupon
佢話無問題 仲即刻攞張點心紙俾我地劃
每張coupon可以劃3樣點心
咁我地一共劃左6樣
潮州蒸粉粿: 好靚, 三粒都好飽滿。d皮厚度適中, 軟QQ的, 一d都唔un唔難咬。餡料比軟多粉葛, 少少西芹, dd蝦米, 得一粒花生。調味恰當, 食落好清爽&清新, 我個人最愛哩款
鮮蝦菜苗餃: 其中有一粒個皮爆開左, 不過都好靚好大粒。個皮都係咁正, 餡料係白菜仔切幼粒, 同埋幾粒蝦肉, 咬起黎好爽口彈牙, 又係一道好清新既點心, 唔錯!
脆皮鮮蝦腸: 豉油係另上, 不過我最終都係倒左落去, 因為佢好軟稔稔, 比軟難挾 d皮雖然軟, 但唔係話食落去一糰粉, 你仲係同一個感覺: 好Q軟熟呀~!! 加埋入面d脆脆同勁大隻又彈牙既蝦.......我只可以講: 唔食....就笨
雞球大包: 個包真係幾大, 仲要好清楚見到有1/4隻雞蛋係入面, 仲有蝦肉. 雞肉, 叉燒。個包身都幾軟熟, 可惜d餡既調味好淡.......
豐料糯米雞: 哩個好似簡單左少少, 因為個餡只有一舊叉燒, 1/2個咸蛋黃, 仲有d切粒冬菇肉, 又係味道偏淡, 麻麻......
芋絲炸春卷: 本身好期待哩個架......可惜, 佢衰在主角﹝芋頭﹞一d都唔粉香, 同埋冬菇同肉碎都幾多吓, 食落去最出都係d冬菇味, 真係『妹仔大過主人婆』, 可取之處係外皮脆身不厚服務都唔錯, 侍應都會勤加茶﹝只得一種茶供應, 另有熱水﹞, 都幾有禮貌
座位都幾闊落, 有幾張卡位提供
可能係啱啱開業, 我見有位疑似老闆既男子一直企係收銀位附近
俗稱: 睇場
其實d點心都幾好, 只係師傳某d點心淡味左少少, 如果可以落重d調味, 應該會客似雲來
张贴
