入咗黎依間唔行過都唔醒起嘅翡翠拉麵小籠包！
入到去先品嘗到嘅就係杯茶，好好飲！＃還望有人話我知係用邊款茶
我媽因為外遊完，有少少冷親所以今餐清清地點咗碗（唔老黎嘅）及第粥
個粥好綿，豬雜內臟樣樣有，好鮮！完全無腥味！正！
再食個生煎包！我好鍾意依個生煎包，因為個底依然keep到仲脆！
（可能食過上海小楊生煎包，一咬落個生煎包啲湯可以噴到去對面枱。）
雖然個餡就無乜湯，但係個餡仍然保持到肉香，上湯味鮮。
無論喺邊到，一食上海菜就必點－雞絲粉皮！！！
依個雞絲粉皮實在太好食！雞絲無特別去細味，因為主角係粉皮＆個麻醬！
粉皮：滑 彈 滑 彈 滑 彈 滑 彈⋯⋯（口感有少少韓國粉絲）
總括而言整體份量足夠，中等價錢，服務好（加茶速度快）！
回頭率：8.5/10
