影片
更多
2016-10-14
223 浏览
難得公眾假期放星期一，咁就黎個green monday食下齋菜啦。見到呢間被評為米芝蓮，又咁岩係港島區，所以就去左銅鑼灣分店。一入到去職員好貼心咁問我地會唔會覺得凍，就建議我地坐d無咁大冷氣既枱，而且亦好快上左小食，花生撈少少咸酸菜，因為花生無落鹽同咸酸菜都比較淡味，所以比我想像中清淡。我地都叫左幾多野食:苔菜松子炒飯 $88呢個係我最中意既餸，炒飯會有淡淡既紫菜味，配上脆口既松子，味道唔會太淡同咸，味道適中。南瓜雜菜濃湯 $48湯面頭舖左d雜菜絲，不過味道比我想像中淡，南瓜味唔係好出，不過稀結度適中，尚可接受。素菜湯餛飩 $28薄薄餛飩皮入面包住一d切碎左既素菜，食落都係比較清淡淡味，湯底顏色雖然深色，但其實味道比較淡，有麻油香味會多少少豆腐餃子$98呢個菜式幾特別，用比較硬身既三角形豆腐包住一d素菜，味道本身係較淡，但配返d濃味少少既芡汁味道更濃郁，而冬菇肉都肥大厚實，十分足料。素春卷 $25我比較中意食呢個，新鮮炸起十分脆口，就算攤凍個皮都唔會冧，入面有少少椰菜同素肉，味道適中，唔會太淡牛肝菌菠菜生煎包 $36入面塞左好多菠菜，味道都係淡左d, 表皮係煎得幾香素蝦炸粿 $32呢個
一入到去職員好貼心咁問我地會唔會覺得凍，就建議我地坐d無咁大冷氣既枱，而且亦好快上左小食，花生撈少少咸酸菜，因為花生無落鹽同咸酸菜都比較淡味，所以比我想像中清淡。
我地都叫左幾多野食:
苔菜松子炒飯 $88呢個係我最中意既餸，炒飯會有淡淡既紫菜味，配上脆口既松子，味道唔會太淡同咸，味道適中。
南瓜雜菜濃湯 $48湯面頭舖左d雜菜絲，不過味道比我想像中淡，南瓜味唔係好出，不過稀結度適中，尚可接受。
素菜湯餛飩 $28薄薄餛飩皮入面包住一d切碎左既素菜，食落都係比較清淡淡味，湯底顏色雖然深色，但其實味道比較淡，有麻油香味會多少少
豆腐餃子$98呢個菜式幾特別，用比較硬身既三角形豆腐包住一d素菜，味道本身係較淡，但配返d濃味少少既芡汁味道更濃郁，而冬菇肉都肥大厚實，十分足料。
素春卷 $25我比較中意食呢個，新鮮炸起十分脆口，就算攤凍個皮都唔會冧，入面有少少椰菜同素肉，味道適中，唔會太淡
牛肝菌菠菜生煎包 $36入面塞左好多菠菜，味道都係淡左d, 表皮係煎得幾香
素蝦炸粿 $32呢個餸我都幾中意，表皮好似平時果d甜甜地既粿，不過炸脆得黎仍然保持煙韌，入面d素蝦味道濃淡得宜，值得一試
蘿蔔絲酥卷 $35呢個酥卷好得意，外皮做得十分鬆化，裡面滿滿既白蘿蔔絲，不過呢個味道會岩岩好，唔會好似之前果d餸咁清淡，大家可以一試。
酒釀桂花丸子 $38呢個甜品酒味較出，而糖水比出面餐廳所整既濃稠度會高少少，糯米丸既數目都唔少，都好煙韌，甜度都適中。
整體黎講各位如果中意比較清淡既素菜，呢到都會適合大家。
张贴
