影片
更多
2019-12-08
53 浏览
今日發燒好辛苦，晏晝飯都費事煮，走落街度搵嘢食，依間餐廳好近地鐵站，喺牛頭角地鐵站B出口一出直行5分鐘就到，鴻圖中心裏便，裝修白雪雪好易認，我同我朋友下午茶時間嚟到，本來想搵啲甜甜地嘅嘢食下，但呢度嘅嘢食好快賣晒，只係得返手撕雞飯同湯，想食甜品同其他嘢食嘅朋友一定要早啲嚟啦😉 最後我叫咗一個薑蔥手撕雞飯，依度好高科技，用個牌坐埋位等拎就得，成個過程自助式，好方便㗎😛🤟🏻手撕雞飯終於都嚟咗啦，呢度嘅薑蔥筒飯係分開上，睇落去賣相唔太吸引，不過食得飽最緊要😀呢度嘅飯真係大大碗，平時放工過嚟食一定夠飽！雞好滑，雖然冇咩味，但可以點住薑蔥食，而且味道清清地，就算我病咗都食得，簡直係健康之選🥰唔好忘記仲有湯飲呀，湯有冬菇同雞🥰總括嚟講呢間餐廳好貼地，午餐食真係好飽肚㗎，我決定下次一開舖我即刻過嚟再食，希望有更加多選擇，識到更加多種類嘅嘢食啦哈哈😀
最後我叫咗一個薑蔥手撕雞飯，依度好高科技，用個牌坐埋位等拎就得，成個過程自助式，好方便㗎😛🤟🏻手撕雞飯終於都嚟咗啦，呢度嘅薑蔥筒飯係分開上，睇落去賣相唔太吸引，不過食得飽最緊要😀呢度嘅飯真係大大碗，平時放工過嚟食一定夠飽！雞好滑，雖然冇咩味，但可以點住薑蔥食，而且味道清清地，就算我病咗都食得，簡直係健康之選🥰唔好忘記仲有湯飲呀，湯有冬菇同雞🥰
總括嚟講呢間餐廳好貼地，午餐食真係好飽肚㗎，我決定下次一開舖我即刻過嚟再食，希望有更加多選擇，識到更加多種類嘅嘢食啦哈哈😀
张贴
