XOXO Café Lab (已結業)

士林炸雞 (黑胡椒)$68炸雞係我呢一餐覺得最好味嘅食物雞皮夠熱夠脆，雞肉亦都算幾大件，而且都唔會覺得乾爭爭；而伴碟嘅薯片我覺得都幾有驚喜，薯片上有d蜜糖，好似為呢份炸雞薯片帶嚟一d滋潤嘅感覺，入口特別舒服濃湯牛肉麵 $68湯係另上嘅，自己鐘意加幾多都得 （我冇問到店員濃湯係用咩食材製成，但係我自己覺得有d似金寶蘑菇湯+松露嘅味道，幾香幾特別，入口都好滑）；牛肉煮得好軟，份量亦比預期中嘅多，而隻糖心蛋都整得好好，蛋味濃，半熟嘅程度亦都係恰到好處。鐵板芝士燒韓國拉麵(豚肉)$72鐵板送上嘅時候仲好夠熱，芝士份量亦都足夠撈晒成個拉麵，最鐘意係佢嘅麵質，夠彈牙，唔會話撈完之後入口會覺得食緊一pat嘢咁。