GO熊小館 (薄扶林道) (已結業)

自從西營盤有咗地鐵站，嚟呢頭開餐就方便得多，今日相約好友嚟到薄扶林道呢間台式料理-Go熊小館，餐廳就喺西營盤郵局斜對面地理位置唔錯。牛肚牛腩湯麵$60 牛肚炆得夠腍，仲煲到入曬味，食落柔軟得嚟富有彈性。牛腩肉質軟嫰，肉味香濃，湯頭很香帶點花椒八角等香料嘅芳香。香酥排骨撈麵$58撈麵醬汁加咗台灣烏醋，酸酸地好開胃，排骨香脆而不油膩，灑上椒鹽風味大增。炸豆腐$35豆腐表面鋪上一層木魚絲，很有特色，加上甜酸醬青瓜絲清新解膩。