有蒸氣 海鮮石鍋專門店 (已結業)

我發覺我真係好鐘意打邊爐，但邊爐打得多都會熱氣，今次同女朋友去左尖東附近食呢間蒸氣海鮮石鍋專門店，海鮮即劏即上，用料包保新鮮，一試真係不得了！Book左7:30，接完女朋友放工即刻過去，位置係酒店的一樓私隱度夠高，環境好舒服幾個人上黎飲杯野傾下計都唔錯架！店員向我地介紹佢地的招牌的石鍋海鮮餐、特色粥底。有睇開我食評既都知道，我揀海鮮火鍋一定唔揀任食，一黎火鍋配料、海鮮多數都唔新鮮，二黎湯底唔掂😑😑但呢間有蒸氣，因為用蒸氣石鍋的烹調方式，將海鮮的鮮味巧妙保留係鍋入面，各款海鮮的精華亦隨蒸氣流入返粥底入面，今次我就揀左蕃薯排骨粥底，仲有陣陣海鮮鮮甜味😋😋上菜速度夠快，有店員專門服侍唔洗自己落手，生猛海鮮黎架！！！🦑🦐 沙包蜆，有浸夠足夠新鮮鮑魚好大隻，超鮮甜、啖啖肉！！手剁豬肉丸和墨魚丸，用新鮮墨魚打成口感十分彈牙！醬料有呢幾款，自由配搭！