影片
更多
2019-09-05
323 浏览
雖然響尖沙咀返工，但已經有好一段時間冇去espuma食野，佢地的黑松露薯條實在太太太好味喇，所以今次去到點都唔會唔記得點薯條。一坐低就發現轉左新menu，當然即刻睇下有咩新菜式可以點，最後點左有四樣野：黑松露芝士薯條、巴馬風乾火腿蘑菇薄餅、小茴蜜糖雞翼同焦糖菠蘿窩夫配海鹽雪糕。黑松露芝士薯條（$58）一如既往的超大份，建議同三至四個朋友share就差唔多。外皮微脆的粗薯條配黑松露味極重的醬料，薯條表面仲加左唔少芝士粉，非常開胃！巴馬風乾火腿蘑菇薄餅（$148）薄餅唔算太大，大約6吋左右，加上薄脆皮唔會太飽，兩個人都可以食得哂。巴馬火腿當然本身比較鹹，但配返火箭菜同埋味道較淡的蘑菇就岩岩好。薄餅底食到邊邊位非常脆好似食薯片咁，所以每人食三件都仲ok。小茴蜜糖雞翼（$78）呢份雞翼望落份量一點不少，其實係將雞翼一開二，單骨就更容易食而且亦會更入味。食落肉質韌度剛剛好，仲會食到濃郁的蜜糖味，少少可惜係茴香味唔太濃。焦糖菠蘿窩夫配海鹽雪糕（half $98; full $148)呢個甜品一見到就忍唔住想點，本身想點half但staff同我地講half係冇棉花糖架，為左個棉花糖點飽都點左個ful
一坐低就發現轉左新menu，當然即刻睇下有咩新菜式可以點，最後點左有四樣野：黑松露芝士薯條、巴馬風乾火腿蘑菇薄餅、小茴蜜糖雞翼同焦糖菠蘿窩夫配海鹽雪糕。
黑松露芝士薯條（$58）
一如既往的超大份，建議同三至四個朋友share就差唔多。外皮微脆的粗薯條配黑松露味極重的醬料，薯條表面仲加左唔少芝士粉，非常開胃！
巴馬風乾火腿蘑菇薄餅（$148）
薄餅唔算太大，大約6吋左右，加上薄脆皮唔會太飽，兩個人都可以食得哂。巴馬火腿當然本身比較鹹，但配返火箭菜同埋味道較淡的蘑菇就岩岩好。薄餅底食到邊邊位非常脆好似食薯片咁，所以每人食三件都仲ok。
小茴蜜糖雞翼（$78）
呢份雞翼望落份量一點不少，其實係將雞翼一開二，單骨就更容易食而且亦會更入味。食落肉質韌度剛剛好，仲會食到濃郁的蜜糖味，少少可惜係茴香味唔太濃。
焦糖菠蘿窩夫配海鹽雪糕（half $98; full $148)
呢個甜品一見到就忍唔住想點，本身想點half但staff同我地講half係冇棉花糖架，為左個棉花糖點飽都點左個full size。成份甜品除左個筒所有野都係食得架，棉花糖連住的係長餅乾，另外筒入面除左有海鹽雪糕、窩夫同菠蘿，仲有蛋糕同唔同生果。窩夫咬落非常鬆化，所以食多幾件都唔會好易食濟，配埋紅莓、藍莓等的生果，就更加開胃。海鹽雪糕質感實淨得黎比較黏，海鹽味唔算太重，淡淡鹹味都幾特別。因為full size份量都幾大，同幾位朋友仔share會比較適合。
张贴
