第三站

疫情過後，梗係要約朋友出來聚下。好耐冇去過旺角，於是上飯網搵左呢間"第三站”起金雞廣場25樓嘅樓上cafe試下。以樓上cafe黎講，呢間算寛落，以白色為主，簡潔優雅清新。水吧位放左好多三眼仔及迷理兵團公仔，好壯觀🤩試左個蟹肉雜菌忌廉闊條麵蟹肉豐富，忌廉汁掛滿每一條闊條麵加埋雜菌嘅香味，既香濃又creamy。黑松露帶子鮮菌燴意大利飯充滿著濃烈嘅松露味道，加埋帶子配搭，簡直係絕配主菜加38蚊有沙律及蛋糕，好抵食。田園沙律菜，新鮮爽脆，撈埋芝麻醬一齊食，好開胃。特級海鮮拼盤都好豐富，有魚手指、炸蝦、炸蟹鉗、炸帶子，仲有吉列蠔。蜜糖芥末單骨雞翼，熱辣辣，脆卜卜，點埋蜜糖芥末醬，好野味。佢啲飲品名好特別🤣，朋友叫左柸“戰車”（即係黑牛), 我就點左紅苺果紅，紅苺味好重，唔錯最後食埋個藍莓芝士蛋糕，好滿足