走過十萬八千里找到你

营业中

休息中

有時去Cafe真係好難揾位，如果去樓上Cafe相對容易。咁啱係旺角食飯，就走咗上嚟呢間餐廳。𨋢口一出就係餐廳，餐廳無論天花同埋窗邊都佈滿乾花乾草，好有田園feel，夜晚環境比較昏暗，好在侍應會每枱放一個蠟燭台。開放式廚房可以睇到佢哋製作每一度食物。餐廳夜晚主要食西餐，意粉、意大利飯、牛扒都有，加$55就有整餐包、餐湯、飲品。主菜偏向日系，叫咗北海道帆立貝海膽醬扁意粉同埋磯燒魷魚筒墨魚汁意大利飯。先上餐湯麵包，係蕃茄忌廉湯同蒜蓉包，賣相都幾cute。主菜份量較少，適合女士份量。見佢menu抹茶用宇治小山園製作，飲品就試吓佢個matcha latte，果然幾好，另外咖啡都唔錯。