潮福蒸氣火鍋 (已結業)

我一向都話深水埗餐廳就多，但酒樓冇乜幾多間，又或者有賣點心嗰啲舖多數都唔太好食。呢日想食心點(小新叫法)飲啖茶，同事就推介我去「潮福蒸氣火鍋」，我一直以為潮福淨係食海鮮添😅。我同同事下午一點半鐘去到，餐廳好熱鬧好旺場，咁都合理嘅，因為佢好抵食，有大量特價點心同孖寶套餐等👍。下午茶市就要兩點先開始。由於太耐無坐低飲茶🥢，我哋就好似新聞所講咁「報復式消費」，叫咗好多嘢食🤣。家鄉銀針粉($18.8)，最鍾意食銀針粉嘅我一定唔會錯過依味❤️。我有一刻幻想過佢係湯浸，但原來係三絲炒，味道幾好，夠味又唔油；而且份量多，飽肚之選。煎釀茄子($16.8)，呢度嘅茄子係巨無霸呎吋🍆，釀魚肉亦非常厚身，真材實料！原隻鮮蝦腸($18.8)，蝦腸當然唔少得大大隻蝦🍤，鮮蝦肉質彈牙。三條腸粉，每條有兩隻蝦，腸粉本身都算滑。醬皇金錢肚($20.8)，金錢肚有成七至八件，並搭配白蘿蔔墊底索汁🤤。呢樣點心嘅精華所在係個汁，重口味帶點微辣，但並不纏人。杞子燒賣皇($14.8)，燒賣有四粒，味道較為普通，不過不失。但平日燒賣多數賣成頂點或者特點，而家咁嘅價錢就有交易，仲平過地鐵站啲乜乜先生😳，無乜可投訴。脆皮乳鴿($38/