潮興魚蛋粉

营业中

休息中

深夜總會想食少少嘢！行過見到有熱蒸氣！更加覺得個胃空蕩蕩！入去搵張靠牆細圓枱坐低，地方普通潮州麵店格局，極簡單裝修，一切以實用為主！唔會浪費資源做花巧嘢！叫了碗：雙丸河：豬肉丸3粒及魚蛋2粒，普寧肉丸咬落唔會好硬，有肉汁，充滿肉味，手唧魚蛋彈牙，唔粉有魚味，中間仲有少許碎魚骨！河粉幾滑，唔易斷，湯底清但濃味，會比一大匙青蔥花及冬菜（可以比客人選擇落唔落），加埋落湯！增加香味！服務好快好爽，落完單5分鐘唔使就上菜！好快手！因為我只叫一碗麵，落單女店員就晦氣問：係咁多？（我心唸：咁想食少少嘢做宵夜，唔使叫九大簋呀？）不過除了呢一下，佢都無乜特別！快快15分鐘食完走好過！食完成身暖晒！