新籽田會館 (已結業)

京川滬同淮揚菜呢啲嘅款式都比較少食，今日就嚟到山林道呢一度試吓呢一間新籽田會館，睇下會唔會正宗得嚟又特別先其實佢哋呢度幾乎所有菜式都係辣，但係因為唔食得辣嘅關係，所以就叫咗幾款清淡啲嘅菜式，除咗果款🦞香辣小龍蝦麵$320，佢係微辣，麵裡面吸滿晒醬料嘅精華，雖然小龍蝦冇乜肉，但係嘅鮮味都可以保存到味道都香濃，其實佢哋嘅Menu裏面嘅菜式係可以轉換，真係唔錯👏🏻另外一款點心都幾特別，就係呢款🥟揚州糯米燒賣$18/1，佢外層嘅皮就好似普通燒賣皮，皮薄餡靚，而裏面就係包住好似糯米雞咁嘅糯米，佢係每一粒計，所以人多或少都可以食到😉另一款賣相超特別好似鳥籠咁嘅就係🍲揚州大煮幹絲 $288，遠睇好似麵咁，其實佢係將滷豆腐切成絲，再加埋火腿同菜苗，可以作一道餸，味道清清淡淡幾好味😋😋另外老火湯都可以值得一叫，佢哋呢度非常足料，好重火候味😆😆