抹茶館 (已結業)

下午茶時段去了抹茶館，叫了一個抹茶白玉雪糕餡蜜下午茶餐。
下午茶餐包1杯飲品，指定飲品免費，亦可叫其他特飲減10蚊。我今次叫嘅下午茶餐上層有d小丸子、紅豆餡、抹茶雪糕、水果等，賣相非常吸引，小丸子好有咬口，食落中間冇粉，軟硬度剛好，將雪糕、紅豆餡同小丸子一齊食互相配合，非常好食。
第二層應該係綠茶白玉加透明啫喱，食落冇乜味，所以加黑糖醬落去撈埋食先會有甜味，不過就咁食都食到少少綠茶味，如果唔鐘意太甜可以就咁食或者淨加少少黑糖醬。
整體而言，個人比較喜歡上層。