抹茶館 (已結業)

在鑽石山既抹茶館，每次經過佢門口，都好想入去食，無奈一個人又唔想，但今次舆一班朋友於德福廣場，咁啱又見到有抹茶館，今次可以與朋友來食下啦，食飯時間頗多人，需要等大約10分鐘，門外面大大個餐牌，可先睇下食甚麼。香蔥芝麻生薑豬肉定食~豬肉加上芝麻洋蔥生薑來炒，好香，味道濃郁照燒雞定食~賣相已經好吸引，大大件既燒雞，香濃既照燒汁餸飯，十分開胃黑芝麻濃厚豬骨拉麵定食~麻油既香味絕對無人拒絕，朋友話麵質適中湯味香濃，好味喎另外配菜有三文魚壽司，炸雞其實大家都飽了，但又想試下啲甜品，叫左個三色雪糕窩芙新地share食下，唔明點解食雪糕要伴有一杯茶！呢個雪糕都無咩特別，而盛著雪糕個窩芙也給朋友個囡囡食左，咁應該好好味喇，居然比佢食晒喎😋…查看更多

適逢假日，與朋友親臨到九龍灣德福廣場行街，晚上時份特別揀了呢間抹茶館享用晚餐，聞說呢間餐廳最出名既就係抹茶甜品，甘當然要拭目以待。1. 燒鯖魚定食- 與一般鯖魚無異，用上普通鹽燒方式，配上前菜、小食及胡椒湯，只能說好大路既味道，香口惹味，百幾蚊有齊甘多款小食配搭都幾底食。:(2. 炸雞肉配特色醬- 炸粉相對較簿，高溫油炸後肉質都嫩滑，特別在於跟配的器皿能疊於另一款定食上，省位之餘亦顯出心絲。3. 鰻魚海鮮飯- 鰻魚份量相對較少，汁醬亦不多，但味道濃郁，配搭的蝦仁肉質結實大隻，倒入醬油混合來吃非常不錯，同樣配搭胡椒湯，下次都會encore。4. 抹茶紅豆鮮奶- 本店主打的抹茶，配搭紅豆蓉依然出色，糯米糍口感煙韌，值得再試最後埋單分店員工俾錯單要再等15分鐘，但明明店內客人不算滿都有錯漏，扣左整體分數。俾分如下（5星滿分）食物：★★★★服務：★★衛生：★★★★創意：★★整體平均：★★★（可推介）…查看更多

本想睇戲前去食少少野，去到呢度見到幾吸引，入去試下，坐低張枱好污糟，但餐牌嘅食物好吸引，不妨叫咗個聖代,拉麵.飲品再加個甜品。食物質素真的不錯😋聖代好吸引好大杯雪糕好滑拉麵好味，唔係時間關係一定再點多個食可惜服務態度超差😡服務員木口木面🙁冇聲氣基本禮貌都唔識絕對要檢討，我都明白得兩個服務員確係辛苦但都不能不瞅不睬，除咗食物之外真係冇咩吸引🙁:(如果再要我去的話除非佢服務有改善如果唔係再好食都無用…查看更多

今天我和同事共進午餐，諗住可以享受一個優雅嘅抹茶午餐。我們叫了一個黑麻油濃厚豬骨湯拉麵套餐及香蔥芝麻生薑燒豬肉伴溫泉蛋丼套餐。我地還豪12蚊升級優惠+小食。order B 玉子燒及C 吉列蝦。戲肉黎啦，侍應黎左A他他燒雞及B 玉子燒。所以我地同佢地講要換番個C吉列虾。那名侍應竟然大大聲回答我地：「窩無天錯，Lee地叫A同C。窩無錯！」我和同事o了咀，然後同店長投訴，才得知那名侍應已經是收到一個月前解僱的通知。其實我地係無錯，我們第一次遇到這種侍應。至於食物方面，我個同事話個溫泉蛋飯無味道，淡而無味，要用吉列蝦旁邊的他他醬才能送飯。而我嗰個拉麵簡直係「室溫」拉麵，一啲煙都無，好似食左一個人地食剩嘅麵，感覺不好。…查看更多

星期六落雨天，剛剛行完淘大，行到去德福就突然落大雨，正好食飯時間就決定響德福食晚飯，見下層食肆一堆又一堆嘅等位人群，馬上走去上層搏一搏睇下有無位，竟然抹茶館有位唔洗等，非常好。個定食套餐有主食、配菜、2粒壽司、2粒炸雞、2粒仔甜品、飲品，份量對一般女士黎講已經夠曬飽，大食嘅男士可能就差DD，拉麵同烏冬軟硬度適中，湯底唔算濃，可能我地食開淡就覺得唔錯，如果鍾意濃味嘅人可能會覚得淡。整體味道唔差、係正常味道，可能隻炸蝦剛剛整起，熱騰騰幾好食。…查看更多

O係德福睇完場戲, 見有D餓, 去左附近食少少野.本身係抹茶控, 俾個名吸引左就入去試下。叫左一個lunch set同tea set.香葱芝麻生薑燒豬肉伴溫泉蛋, 一般般啦, 但個溫泉蛋幾好, 整得岩岩好.tea set既選擇有甜品有咸食, 任君選擇! 我就order左個tiramisu!賣相幾OK, 味道都唔錯, 抹茶粉唔會太苦澀. 而且唔會好甜, 同比我想像中大份!…查看更多

隔離檯麻甩佬帶住老婆同細路又咳又吐啖又嘈喧巴閉勁討厭，換左另一檯又係麻甩佬帶住老婆同細路煩到嘔呀，不停計數依個餐平幾蚊、飲杯野加幾錢、邊個飯最抵食，好嘈好頭痛呢，比我靜靜地食餐安樂晚飯好嗎？已選好小食及主菜，侍應妹妹稱壞炸爐？好日都唔黎食野，第一次就無餃子釀雞翼、炸雞食，真黑仔呀﹗走到抹茶館，但沒有試任何抹茶產品，有緣再試吧。照燒雞扒，完全被照燒醬淹沒，太多醬喇麻？肥美的雞扒雖然有點硬實，幸好雞皮黏滑油潤，整舊啪入口都感受到彈性的。白白雞肉還剩下少許肉汁，混上甜甜照燒汁，較大家樂、大家活高質美味。鹽燒鯖魚，燒得幾清下喎，實實的魚肉，魚味濃厚泛出微腥，咸味出眾，味道一般。辛辣北海道味噌野菜拉麵，點解拉麵同超市即食濕拉麵既湯底、麵質、味道都同出一轍呢？椰菜我麻麻喜歡，椰菜無味食兩片算。我唔食甘筍絲，唔食芽菜架，比勁多呢。菠菜有少許菜甜味爽爽的，半熟蛋放入柚子好奇怪，何解有劈豆瓣醬？辛辣湯就是如此煉成？醒起依個係野菜拉麵，不過唔係比日本野菜，只不過係港式雜菜。鞋瘦的叉燒，平價拉麵可媲美叮叮或味千。滑滑即食麵配上陰沉無鮮味湯粉沖出來的湯底，求鬼其食完就算，不要想，只要食﹗超平抵食，兩個拉麵加兩個小食 $300 蚊有找，不過我只好食，唔係抵食。…查看更多

今晚同男人睇戲，睇戲前去食餐好，揀左依間抹茶館，俾menu中既特式二人套餐吸引住，前菜，蔬菜，主食，飲品同甜品，加埋都係288加一，超飽。仲有特色定食，都好抵食，下次可以試下。前菜揀左他他醬炸雞同手羽餃子揚，炸雞本身話3件，好彩地俾多左一件雞味出，唔蘇，配合個他他醬好好味。手羽餃子揚，餡好豐富，肉汁夠。蟹肉凱撒沙律，好大碟，蟹肉連埋凱撒醬，加埋蕃茄，黃椒，大量菜，好豐盛既沙律。主食叫左生薑豚肉燒配飯，飯跟湯，蔬菜湯重胡椒味，好惹味。豚肉好大塊，洋蔥炒得好香，配埋生薑汁，好好味，跟埋沙律菜。另一個叫左吉列海鮮盛合，有1蠔，2炸蝦，2三文魚，炸粉剛好夠薄，蠔味夠出，唔會遮左海鮮既味道。最後上埋甜品完美，大滿足，有牛奶軟雪糕同抹茶牛奶扭紋軟雪糕。…查看更多

好多年前係佢鑽石山分店食第一次, 驚為天人好好食! 🤤之後又去過荃灣同屯門分店食過, 感覺唔係淡左就係D汁勁水勁稀🤥, 今日行過德福, 決定比多次機會佢_________________🔹卡邦尼溫泉蛋烏冬 $69卡邦尼醬汁通常都係配意粉, 宜家演化到佢同好多野都有mix&match, 韓式D有配年糕, 西式D食過佢既燉飯, pizza, 面包, 宜家日式D就配烏冬.今次食到呢個雖然都係唔及第一次咁好食, 不過都係so far幾間分店入面做得比較好, 卡邦尼醬汁既忌廉奶油味🍼好重, 上面又加左好多好多芝士粉🧀🧀, 可惜既係佢單用芝士粉而D粉又未融入D忌廉汁當中, 所以會覺得唔係太夠濃味.醬汁夠杰身掛到上D烏冬上面, 再吉穿埋隻蛋黃撈黎食, 真係肥幾磅都抵!.烏冬好滑身, 連埋D汁直程係滑入口咁, 煙肉有稍稍煎一下, 咸咸香香!!.經過既朋友不妨一試, 大食既朋友仔食完可能唔係好夠, 咁又可以再食下一餐喇XDD…查看更多

完全沒有炸物提供，餐牌完全失去意義。如果沒有炸物，點解大大個午餐牌放在餔面！午餐想食餐好一點，點知非常失望。白烚雞肉拉麵。愈食愈覺得很淒涼。無味道的！除了個湯有熱度之外，其他都是微溫！點解可以咁難食的！…查看更多

今日同朋友去德福一帶搵嘢食。由於係午餐繁忙時間，好多地方都無位，就揀咗一間比較高級小小嘅抹茶館，等左一個位就入得，食後之後發覺希望越大，失望越大。餐牌俾我嘅感覺係咩都有gee日式菜，包括拉麵、定食和刺身飯都有。我同朋友都叫咗拉麵，佢嗰碗係雜菜拉麵，我嗰碗係黑麻油拉麵。冷飲和凍飲基本上都是包括的。熱茶有得添水，都算係唔錯！朋友叫咗凍柚子蜜朋友的拉麵看下去帶點橙紅色，似係用咗蕃茄粉作為湯底，但係食落去淡而無味，仲怪怪地。我嗰碗嘅味道一般，最令人失望的是食落去係室溫。午餐來講，份量比較細。計埋＋1服務費都唔平，以呢個質素來講，一定唔會有下次！…查看更多

濃抹茶味，又唔會太甜（熱飲除外），正！可惜白玉似湯圓粉團，雪糕似雀巢出品~餐牌中的相有白玉三粒，但上檯只得一粒，飲到一半，先知原來果個兩粒白玉早已石沉杯底~下次叫牛奶抹茶（$29）已足夠了~想叫少甜，但冇得叫少甜，幸好，一飲，甜度剛剛好，大讚！至於冰亦都唔係太多，啲冰好大舊, 唔想要都可以方便拔出來~…查看更多

下午茶時段去了抹茶館，叫了一個抹茶白玉雪糕餡蜜下午茶餐。下午茶餐包1杯飲品，指定飲品免費，亦可叫其他特飲減10蚊。我今次叫嘅下午茶餐上層有d小丸子、紅豆餡、抹茶雪糕、水果等，賣相非常吸引，小丸子好有咬口，食落中間冇粉，軟硬度剛好，將雪糕、紅豆餡同小丸子一齊食互相配合，非常好食。第二層應該係綠茶白玉加透明啫喱，食落冇乜味，所以加黑糖醬落去撈埋食先會有甜味，不過就咁食都食到少少綠茶味，如果唔鐘意太甜可以就咁食或者淨加少少黑糖醬。整體而言，個人比較喜歡上層。…查看更多

抹茶館是一間非常之昂貴的食店 並不是一般百姓能夠負擔得起 可是他的下午茶都未算收費不合理 因此變和朋友嘗試了他們的抹茶蕨餅 抹茶粉十分乾 蕨餅份量少雖然有一堂將稍為濕潤一下 可是不會有第二次了 真的非常失望…查看更多

今晚同爸爸撐枱腳，行過記得食過午餐幾抵食好味，今晚叫個二人餐試下先！小食叫左明太子雞翼，番茄燴海鮮！我好鐘意個雞翼夠juicy.個海鮮燴乜海鮮都有，有誠意！主食叫左黑蒜油豚肉拉麵！同豚肉流心蛋飯！兩個都有水準！…查看更多