Tipsy Tap (已結業)

跟女友撞啱唔駛OT，約出來拍拍拖，睇場戲。距離開場得番唔夠一個鐘，唔可以行得遠，shopping又好趕，唯有近近地嚮同區食少少野消磨時間。可能時間尚早，人流不多，跟繁忙時段是另一番滋味。呢間餐廳唔係第一次來，今日才算認真望過其環境。嚮連鎖快餐店供應的安格斯漢堡，就算搵埋明星做代言人，其質量充其量只能說不差，怎麼也說不上優質。這裡的漢堡扒醃製得恰到好處，平食唔食漢堡包的女友都 豎起手指讚好。我就喜歡這裡的肉眼扒多，夠juicy又唔會靭，大男人係要啖啖肉才覺得滿足的，正!