薯仔屋 (已結業)

自從我返學之後，銅鑼灣已經成為我第二個經常流年嘅地方。為咗殺時間 ，我哋又去cafe～ 今次去嘅係喺附近嘅薯仔屋。薯仔屋位於銅鑼灣新會道4號4樓，雖然從外牆睇好似好舊，但內裏卻非常企理～一入門口就已經喺右手邊見到一大堆board game 及遊戲機， 而且喺店舖嘅角落位置設有親子樂園 雖然地方比較細，但都足夠應付小型 party~因為只為殺時間，不過對於吃貨們，都點左2人至尊份量套餐～頭盤既芝士蒜蓉包，因為即點即做，所以芝士仲係融喺蒜蓉包面上，幾香脆～凱撒沙律配上麵包糠及煙肉碎，蔬菜新鮮爽口。薯仔屋蜜汁雞翼，加了少許香草，蜜汁唔算太多所以唔會油膩，而且焗得岩岩好，雞翼表面焗到剛好帶點焦～主菜則點了11”薯仔屋至尊薄餅，簡直係真係一塊“薄”餅，薄到好似食緊餅乾咁！！ 因為薄餅皮好薄，所以可以完完全全咁樣品嚐到薄餅上面嘅配菜味道！西班牙茄汁磨菇煙肉意粉，意粉配上紅青椒及蕃茄醬，蕃茄醬既甜酸度剛好，對我呢啲唔太熱愛酸味蕃茄醬就好適合啦～因為跟餐可以配送一杯飲品，所以我點咗比堅尼， 芒果加乳酸及啫喱仔， 一開始送上枱嘅時候會見到分為兩層，要將佢攪拌後先可以飲用～跟餐仲有送甜品係迷你雪糕泡芙，店