家賀屋

最近嘅天灰濛濛，但係又熱辣辣，所以我覺得食日本嘢係一個消暑嘅方式。晏晝自己一個，行咗嚟渣甸街呢邊，咁啱見到等大廈都好新淨，門口有幾塊招牌，見到佢哋都有啲刺身烏冬或者燒物食，價錢合理，所以都上咗去。食日本嘢，當然要食刺身啦，咁先可以知道佢哋嘅新鮮程度，嗌咗個大關，二百零蚊有八件大大件嘅刺身，真係好正，佢又中赤海蝦油甘魚帆立貝，跟住仲有池魚王，本人最鍾意池魚王呢種充滿油份既魚，食落滿口魚油香味。帶子，赤海蝦，油甘魚，新鮮得來又鮮甜。中拖仲正，魚味濃郁，入口即溶。聽講佢哋嘅壽司飯係攞赤醋同白醋撈埋，睇落似豉油撈飯，已經好有食慾，但食落去帶醋味，消滯又健康既感覺。好鍾意食佢哋嘅燉蛋，好滑，蛋味濃郁。總之呢一餐，好滿足。會再黎。