長阪燒 (已結業)

屋企人慶祝我升職，所以帶我哋食好嘢，呢一間日本餐廳每一個座位都有一個枕頭，仲要成個環境都好特別，喺壽司吧前面會放有唔同嘅食材，俾啲客人可以選擇，然後廚師會即時幫你燒，成個感覺好又去咗水產市咁！我同屋企人兩個人就叫咗四五款壽司，包括三文魚、火炙三文魚、赤蝦、鯖魚同油甘魚腩壽司🍣啲壽司飯係用咗赤醋，唔會過酸，個人認為佢嘅赤蝦壽司非常好食，而且每款壽司入面已經加咗芥末，非常用心而我哋亦都嗌左枝豆同炸雞軟骨，雞軟骨落咗啲調味粉，味道比較鹹。枝豆調味非常出色，食得出唔係冰鮮嗰種。呢一間餐廳而家都做緊即開生蠔，因為廚師真係會係你面前開生蠔，$20左右一隻都幾抵食，非常之有海水味。個人認為佢嘅燒物都幾好食，尤其係釧路活海鰻，鰻魚汁令到鰻魚燒得好香，魚皮都脆卜卜，鰻魚燒得好滑身，肉質好飽滿。