影片
更多
2019-08-18
617 浏览
對社會經濟毫無建樹既筆者，繼續出去吃吃喝喝，是晚便到土瓜灣食自助餐。8度海逸我當然不是首次到訪，經濟實惠是賣點，甜品是強項，唯一是交通有點不便，但酒店有免費穿梭巴士搭夠。今期主題，係夏日海鮮狂熱，非常大路，相信許多香港人會喜歡。 凍海鮮呢啲基本嘢固然有供應，龍蝦肉至少唔會韌得像咬橡皮圈，蟹腳粗身多肉，最重要是refill得幾快，唔似某啲酒店好快被搶掠一空。即開生蠔有兩款，分別是美國代表的Pacific Rock，以及法國佳麗Fine De Claire，今時今日年紀唔細，一隻起兩隻止好了，無可能再一打打咁食。冷盤選擇比例上算唔少，各式cold cut我一定會吃，燻蹄唔會死實實，最得我歡心的，要數到泰式去骨鳳爪，爽口醒胃。天時熱更需要多些湯水，花膠北菇螺頭燉雞，香甜又滋補，女士宜多喝。熱葷方面，這兒的羊架一向不俗，四季豆糄得乾身惹味，煙肉卷香口，還有一款點心供應。今次海鮮為主題，所以也加入了花甲，鮮甜味美。白酒煮藍青口，水準也比預期中出色。食肉獸既朋友，大可來件燒牛肉，看那中心嫩紅的色水，知道沒有太韌太嚡口。至於無邪惡東西會不自在的，來份鵝肝多士就好。仲有燒味，油雞鹵味樣樣都要
對社會經濟毫無建樹既筆者，繼續出去吃吃喝喝，是晚便到土瓜灣食自助餐。8度海逸我當然不是首次到訪，經濟實惠是賣點，甜品是強項，唯一是交通有點不便，但酒店有免費穿梭巴士搭夠。
今期主題，係夏日海鮮狂熱，非常大路，相信許多香港人會喜歡。
凍海鮮呢啲基本嘢固然有供應，龍蝦肉至少唔會韌得像咬橡皮圈，蟹腳粗身多肉，最重要是refill得幾快，唔似某啲酒店好快被搶掠一空。
即開生蠔有兩款，分別是美國代表的Pacific Rock，以及法國佳麗Fine De Claire，今時今日年紀唔細，一隻起兩隻止好了，無可能再一打打咁食。
冷盤選擇比例上算唔少，各式cold cut我一定會吃，燻蹄唔會死實實，最得我歡心的，要數到泰式去骨鳳爪，爽口醒胃。
天時熱更需要多些湯水，花膠北菇螺頭燉雞，香甜又滋補，女士宜多喝。
熱葷方面，這兒的羊架一向不俗，四季豆糄得乾身惹味，煙肉卷香口，還有一款點心供應。今次海鮮為主題，所以也加入了花甲，鮮甜味美。
白酒煮藍青口，水準也比預期中出色。
食肉獸既朋友，大可來件燒牛肉，看那中心嫩紅的色水，知道沒有太韌太嚡口。至於無邪惡東西會不自在的，來份鵝肝多士就好。
仲有燒味，油雞鹵味樣樣都要，斬大舊叉燒！可惜叉燒有點瘦。
甜品素來是這裡的拿手好戲，皇牌既芒果拿破崙清脆可口，朱古力慕絲蛋糕香濃，為配合夏日主題，更加引入即製的榴槤班戟，正呀喂~
若然你已吃厭了Haagen-Dazs和Dreyers雪糕的話，就要試試榴槤雪條了。酒店E Shop有8折優惠，折實唔使五舊水。
张贴
