南大門

营业中

休息中

假期出去行下，今次去咗鯉魚門食海鮮，鯉魚門係一條好有特色嘅海鮮街，沿途行嘅時候兩旁好多海鮮店同特產店，買咗啲手信返屋企，跟住去咗南大門！呢間餐廳風景一流，全落地大玻璃窗，對正過大海。海鮮要出界外嘅小店自己選購，買入嚟再看心意叫餐廳加工煮。加工費每位$110，都唔算貴，最緊要係煮得幾好食，鹽焗奄仔蟹唔會太鹹蓋過海鮮嘅鮮味。另外個上湯浸豆苗雖然貴左少少，但係分量十足，浸湯嘅蒜子都好好味！蒜蓉粉絲蒸扇貝，同蒸海斑，火候整得剛剛好，唔會太熟，肉質嫩滑！