有蒸氣 海鮮石鍋專門店 (已結業)

話時話,成日打邊爐,但真係極少係食有蒸氣既鍋。今日決定要見下世面,就同同樣都咁中意打邊爐既朋友黎左呢間野。呢間店個女侍應,唔知係咪老闆娘,好有笑容,招呼好周到。佢地首先放埋個冬瓜同D配料,湯係度煮。然後蒸海鮮同其他食物比我地。每樣野食都分先後咁蒸,有人服侍,好似食海底撈咁。幫我地蒸完就上碟,仲不時幫我地換碟添。正!個黑松露STEAM EGG好好味,都分唔到邊一個係主角,黑松露令STEAM EGG唔乏味! VERY GOOD!個蝦同花蟹係我至愛,日本元貝好大粒,加埋D粉絲好入味呀!食完D蒸既野就開始飲冬瓜熬出來既湯,好清新好好味,唔使加SALT都咁好味呀!緊住我地就打邊爐啦,有D手打既丸同埋黑毛豬肉片,仲有娃娃菜添。上菜有層次,食物好豐富。呢度環境好大,好靚呀張TABLE。仲有D私人房,就算唔係私人房,私密度都好高,野食真材實料夠新鮮,原來唔係浪得虛名GA!