御前大江戶日式料理 (已結業)

聞說觀塘最近出現一間海鮮燒嘅放題聽到都令人興奮啊 皆因平時要食海鮮燒都係要去啲乜乜水產 或者居酒屋先有得食而且仲要價錢不菲添架所以見到呢度雖然以放題黎講 的確稍微偏貴但係可以享受到咁頂級新鮮嘅食材再加上係香港地一次體驗海鮮燒 點都抵番曬啊 最正正常常去食放題必嗌嘅刺身刺身好新鮮 對比起市面上嘅放題黎講屬於高質素個款 選擇類型亦都頗多最大眾化嘅吞拿魚 三文魚 帶子 甜蝦都有齊曬黎緊就等我逐一介紹今次嘅重點 海鮮燒海鮮燒拼盤係成兜上 有個火爐係正中間俾客人可以享受自己燒嘅過程 真心過癮呢個生蠔真係好巨型 望落都想即刻呑落肚完全一啲腥味都無 非常鮮甜啊然後到帆立北都係一樣 大大隻睇到人地流曬口水火爐側面有啲清酒及調味料師傅經過會教我地落啲清酒落去燒等個帆立北索曬啲清酒味道 令到成嘅味道更有層次感然後到呢個蟹蓋啦 烹調手法係先將蛋黃整破然後攪拌撈雲成個蟹蓋入面啲料 擺係度燒當蛋黃滲入蟹蓋每一部分 遇上火燒嘅溫度慢慢變熟之後蟹蓋就可以不黎食啦 口感非常嫩滑最後黎個海鮮燒嘅大合照睇睇先就會見到有好大隻嘅聖子啊 真係出面大排檔都無咁大隻總結係成個海鮮燒都好新鮮 而且每樣海鮮都好大件另外再介紹番啲創意