千賀水產の鮮鍋道場 (已結業)

同人慶生，聽聞衣間CP值超高，所以一試。衣間嘢訂位方式我已經好欣賞，好多餐廳用電話訂位，但是經常無人聽，有時打電話都打到唔想食，衣間接受whatsapp 訂位，唔洗我打電話就可以早早訂好位，真係唔錯。我去果日星期四，但是個場都爆爆地幾多人，一坐落去睇下個menu,比個menu 嚇親，200幾蚊咁多嘢食，食得邊樣ar不過其實熟食果邊唔係樣樣有嘅～點左麻辣同黑蒜油豬骨，食辣嘅朋友千期唔好對湯底抱有太大期望，湯底係普通茶樓嘅質素。之後就來個刺身，都新鮮同埋隻蝦都大，這個不錯👍開始打邊爐緊係要預備醬料，佢以自助方式提供，都幾多得揀。喺自助吧行一轉真係眼花撩亂，樣樣都想食。有蔬菜、熟食、甜品、飲品、湯、公仔麵（有韓麵tim ar)返到入去海鮮已經來到，望落好多好新鮮，講真出面200幾食唔到咁多款海鮮，除左海鮮仲有牛肉其實食晒佢指定提供嘅嘢食同埋拎埋出面啲腸仔丸菜已經好飽。但是大食嘅朋友有福了，未飽可以再叫牛肉ar蜆ar墨魚滑ar蝦ar咁，真係200幾蚊食到你唔食。重點同大家提一提下面衣枝雪條真係好好味😆👇🏻記住食，我飽到上心口都食左兩條CP值超高，味道幾好，值得推。