蟹仙海鮮蒸氣鍋 (龍崗道)

营业中

休息中

想試海鮮蒸鍋好耐，同朋友嚟到九龍城試一試。我哋叫咗每位399嘅set, 有成10樣餸，樣樣都好新鮮！一入座姐姐就幫我哋將啲餐具擺入蒸籠消毒，又整好個粥底，入面有新鮮豬骨、竽頭同粟米粒，材料都好豐富，啲海鮮精華最後全部滲哂落個粥度，冇味精又好食！海鮮以一個小螃蟹盤裝住，有服務員幫我哋逐樣蒸好擺碟，完全唔使自己郁手，等5分鐘就有得食了。虎蝦大隻鮮甜，肉質爽彈👍🏻鮑魚大隻彈牙易咬，唔需要醬汁，鮮甜味啱啱好珍珠蠔夠白滑，長條型一大粒，一啖咬落去好滿足。扇貝亦都係大大粒，鮮甜彈牙，最緊要一啲沙都冇青口和蚌帶點海水鹹味，黐住少少海草絲，唔需要點汁已經好清甜龍蝦時間蒸得啱啱好，粉白色嘅肉鮮嫩鮮甜，仲有少少膏喺上面最後嚟到我最鍾意食嘅蟹！ 第一次食饅頭蟹，細細粒好似兩個頭仔，但入邊都有肉同好多膏，蟹汁鮮甜美味，老闆娘話唔係成有得食㗎！奄蟹大大隻，上面全部都係滿滿嘅蟹膏，好香。食落去啖啖蟹肉同蟹膏好滿足，食完仲想食多隻。。食完粥之後仲有甜品，係燕窩椰汁西米露，成個set好滿足，食咗個海鮮盛宴。