影片
更多
2017-12-10
59 浏览
呢間勁有日本居酒屋feel嘅餐廳都係住喺荃灣嘅朋友介紹俾我嘅，食完真係覺得冇介紹錯啊一定要介紹俾大家！先講下環境，入邊有一個個私隱度較高嘅卡位，仲有包廂，所以想同同事食飯既話，呢間餐廳都係一個好嘅選擇。打開本Menu，食物嘅選擇好多，朋友話呢度嘅海鮮好新鮮，必試浜燒，所以今晚就冇叫太多壽司刺身個啲。先講咗浜燒嘅食物先啦，全部都有職員幫手燒，雖然有時要等一陣，但係因為佢哋比較熟練，所以我哋都樂得有人服侍黃金蟹膏甲羅燒 $88呢個真係必食推介，一人一個絕對唔過分～蟹蓋上面放滿左蟹膏、蟹肉、蟹子同埋鵪鶉蛋等等，分量十足。店員會一路燒一路攪勻，香味四散，燒大約幾分鐘就食得喇！入口蟹膏味道果然同想像中一樣濃郁，仲食到蟹肉嘅鮮甜，加上裏面有蟹子等材料，所以除咗幼滑嘅蟹膏之外，口感都好豐富架，而且調味相當適中，單食亦唔會覺得太鹹，真心正呀福丸浜燒盛合 $428有四款海鮮，分別係刀貝、鮑魚、帆立貝同埋蠔。坦白講，全部海鮮都好出色架果然新鮮嘅海鮮就係正，因為全部都好鮮甜！以海鮮嘅新鮮度黎講，呢個價錢絕對唔算貴。如果要揀最出色嘅話，我會覺得係大大隻又厚肉嘅帆立貝同埋鮑魚，兩者都好彈牙同埋鮮甜！（燒嗰時可以
先講下環境，入邊有一個個私隱度較高嘅卡位，仲有包廂，所以想同同事食飯既話，呢間餐廳都係一個好嘅選擇。
打開本Menu，食物嘅選擇好多，朋友話呢度嘅海鮮好新鮮，必試浜燒，所以今晚就冇叫太多壽司刺身個啲。
先講咗浜燒嘅食物先啦，全部都有職員幫手燒，雖然有時要等一陣，但係因為佢哋比較熟練，所以我哋都樂得有人服侍
黃金蟹膏甲羅燒 $88
呢個真係必食推介，一人一個絕對唔過分～蟹蓋上面放滿左蟹膏、蟹肉、蟹子同埋鵪鶉蛋等等，分量十足。
店員會一路燒一路攪勻，香味四散，燒大約幾分鐘就食得喇！入口蟹膏味道果然同想像中一樣濃郁，仲食到蟹肉嘅鮮甜，加上裏面有蟹子等材料，所以除咗幼滑嘅蟹膏之外，口感都好豐富架，而且調味相當適中，單食亦唔會覺得太鹹，真心正呀
福丸浜燒盛合 $428
有四款海鮮，分別係刀貝、鮑魚、帆立貝同埋蠔。
坦白講，全部海鮮都好出色架果然新鮮嘅海鮮就係正，因為全部都好鮮甜！以海鮮嘅新鮮度黎講，呢個價錢絕對唔算貴。
如果要揀最出色嘅話，我會覺得係大大隻又厚肉嘅帆立貝同埋鮑魚，兩者都好彈牙同埋鮮甜！
（燒嗰時可以睇吓啲鮑魚郁嚟郁去，勁過癮再一次證明啲鮑魚真係好生猛同埋新鮮）
浜燒以外嘅食物都好出色，第一款要介紹嘅就係龍蝦 ($398)
本身已經燒好，所以上枱就食得啦～肉質相當爽口彈牙，嗰汁好惹味之餘又唔會蓋過龍蝦嘅鮮味，同男朋友每人三舊都嫌少啊
牛油果軟殼蟹卷 $68
呢款卷物既價錢相對地就親民好多，而牛油果同軟殼蟹嘅組合有幾match自然不用我多講啦，睇相都睇得到個卷物嘅內容好豐富㗎
鹿兒島赤雞翼＄98
同其他燒雞翼價錢比較當然好貴，不過用上咗鹿兒島嘅赤雞雞翼又唔同講法，值唔值得就見仁見智啦。
燒得外皮香脆，裏面啲肉因為係地雞，所以同普通雞翼比起黎多左份嚼勁（唔係代表燒過龍架，相反我覺得燒得剛剛好），簡單調味已經好好食。
野菜稻庭烏冬 $68
菜嘅份量相當多，而且好甜呀份量都算大碗，正常發揮，不過相比起海鮮嗰啲當然冇咁令人印象深刻。
福丸炒野菜 $58
呢個炒椰菜係男朋友無啦啦好想食菜所以嗌嘅😂份量都多，單食會有少少鹹，配上烏冬就會比較好。
柚子啤酒係男朋友叫嘅，不過佢覺得柚子味太搶風頭；而我個杯係梅酒梳打，幾欣賞佢個冰唔會太易溶！
如果想試浜燒，絕對推介呢一間啊，因為新鮮嘅海鮮真係無得輸呀
张贴
