船渦

营业中

休息中

海鮮同火鍋一向都係我最愛，而且一個人都食到，唔洗約朋友真係好方便🤭 船渦已經係第三訪，開業個陣已幫襯過兩次，可以以一個合理價錢食到多款海鮮。內務總管套餐 $288✨三點刺身：放題質素，過下口癮係OK。✨日式炸雞(3粒)：熱辣辣咁上菜，蘸沙律醬食，不過呢餐海鮮先係重點！枱面寫好哂每款海鮮所需要蒸煮既時間。呢個套餐已包括白蜆＋蝦＋鮑魚＋蟹＋元貝＋時令海鮮＋大蜆＋三寶丸＋時蔬拼盤，完左海鮮環節仲有個南瓜粥，超級豐富🤯🤯🙈我最鍾意係白蜆同大蜆，蒸完肉汁飽滿，勁重鮮味，而且完全無汁。鮑魚同蝦肉爽口彈牙，唔會覺得好「霉」，而且全部海鮮洗清得幾乾淨。食到時蔬拼盤環節已經超級飽，最後會落芋頭，南瓜同飯整埋個南瓜粥，金黃色幾靚仔，食到鮮味而又唔會太濃味，飽肚下食依然覺得舒服。