影片
更多
2015-05-26
4249 浏览
現在的天氣最適合郊遊了，未到3x 度的酷熱天氣，除了大澳，魚子醬一家都非常喜歡南丫島的環境，雖然近年已經慢慢多了外來的島民令氣氛有點轉變，但依然是外國人比較集中的小島，大家有禮也互助。長洲就真的全面遊客化了，沒有太大興趣入內逛逛以前兩口子，最愛在榕樹灣爬爬吃，走上風車又回到榕樹灣，反而索罟灣未去過，這次鐵人家族決定先到索罟灣吃頓海鮮大餐，再走一走幼幼班的家樂徑 天色不錯，行山的人也很多，不過沿途不少休息地方，也有賣飲品小吃的攤檔，上落斜雖多，但丁點算不上辛苦，最重要是景色超美，一個海灣就在眼前魚子媽在這裡給個小Tips 大家，要是到索罟灣的話，可以順道Book檯在天虹海鮮酒家吃午餐，逢30分會在尖沙咀及中環碼頭都有免費船前往，船程約45min，都慳返唔少船費啊~~搭小輪的話成人Mon-Sat $21, SUN $29.8!! 一家幾口好襟計ga啦~~~不過事後又發覺，無論上船落船都無特別對Booking~會唔會有人偷雞痴船搭呢? 由豪宅到小漁村，很快就到了~~走到路口會有呀姨問有無訂位，有ge就左邊，無ge就右邊，看來真係無訂位都可以痴船搭 比起其他離島ge海鮮酒家，呢度老實得多，每
天色不錯，行山的人也很多，不過沿途不少休息地方，也有賣飲品小吃的攤檔，上落斜雖多，但丁點算不上辛苦，最重要是景色超美，一個海灣就在眼前
魚子媽在這裡給個小Tips 大家，要是到索罟灣的話，可以順道Book檯在天虹海鮮酒家吃午餐，逢30分會在尖沙咀及中環碼頭都有免費船前往，船程約45min，都慳返唔少船費啊~~搭小輪的話成人Mon-Sat $21, SUN $29.8!! 一家幾口好襟計ga啦~~~不過事後又發覺，無論上船落船都無特別對Booking~會唔會有人偷雞痴船搭呢?
由豪宅到小漁村，很快就到了~~走到路口會有呀姨問有無訂位，有ge就左邊，無ge就右邊，看來真係無訂位都可以痴船搭[shhhhh~~~]
比起其他離島ge海鮮酒家，呢度老實得多，每樣海鮮都明碼實價，有d斷斤計，有d係講明呢樣點整，例牌幾多錢，而且唔會逼你要得多，好似我地2大1小，扇貝、飽魚都只係要2隻，無問題，加半斤中蝦又ok~最後整多個蟹粥、椒鹽鮮魷同炒西蘭花就非常大滿足
見到職員在遊客檯面先會放花生前菜，不過檯面都有牌寫明唔食可以講聲，香港人就無見過有花生放檯面，可能d呀姐都預左香港人一定唔會要；海鮮點好後，分批上菜，因為叫了個蟹粥，一直都無飯落肚，海鮮又逐樣上，雖然超美味，但都有點膩，下次會點白飯，唔再叫蟹粥； 先來一個蒜蓉粉絲蒸扇貝，每次食海鮮都必點!!! 粒帶子大到厚到好似要用刀叉享用咁~~比起平時係街市買返屋企蒸ge大好多
豉油皇海中蝦，雖然半斤只有7隻左右，不過因為經過油泡，連殼都食得，而且反轉蝦肚同蝦頭內盡是膏，超正! 好多時吃白灼蝦比較多，估唔到轉個方法整，同樣ge蝦可以變化這樣多；這些油泡菜式平時在家不會做，在這裡吃到鑊氣，推介一試
鮑魚有大連鮑同南非鮑選，反正久未有機會這樣吃海鮮大餐，就要了$60隻的南非鮑，以果皮蒸，不過成品要花點嚼勁，沒預期中軟腍，果皮味一般；椒鹽鮮魷是後加的，其實已經夠飽，不過見附近幾檯都有食，心大心細最後都忍唔住，果然皮夠黃金薄脆又彈牙，新鮮貨色認真不錯，最後飽到食唔曬，但真心覺得好味
記得自已小時候好愛鮑魚殼的幻彩顏色，所以這次都用茶將殼洗淨，送給魚子醬當玩具，他竟然想到是冬天用的耳罩，話聽到特別聲，果然每個小朋友都係鍾意聽背殼聲架!! 玩具真係唔洗買得多，隨手拿起都能玩吃了四碟海鮮，口寡寡，終於有炒菜食，起勢夾夾夾~! 見廚房一次過出青菜，好明顯是大鑊炒，但卻每件西蘭花都完美的爽脆，無烚到過淋又無草青味，好味過自已整好多，估佢唔到
吃罷炒菜，蟹粥才施施然上檯，都已經是落單後近個半鐘的事了，沒有預期中橙黃的顏色，但蟹本來都有不少膏，而且肉質非常非常滑嫩，連平時最怕係街食蟹ge魚子媽都不顧儀態動手吃，例牌$180的價錢，合理，不過要等到最後先出，買料連加工埋單HKD $890，合理的價錢，只是人太多，上菜等得比較耐张贴
