今時今日嘅放題真係愈嚟愈誇張，刺身、壽司、串燒、炸物早已成為基本配備～但旺角呢間「極尚大喜屋」更離譜，推出新海鮮陣容！人均三百蚊左右，菜式之多連酒店自助餐都要認輸😳
今次最大驚喜莫過於海鮮選項大幅增加，由傳統刺身、蟹腳，延伸至熱盤小炒
豉汁蒸鱔：鱔肉厚實油潤，吸滿豉汁鹹香入味
籠仔桑拿大頭蝦：以桑拿蒸法烹調，熱氣滲透蝦殼，彈牙鮮甜，蝦膏飽滿豐厚。
薑蔥炒蟹：炒起即聞陣陣薑蔥香氣，蟹肉結實細嫩，鑊氣十足。
豉椒炒蜆：蜆肉新鮮多汁，豉椒香濃卻不搶味。
葡式香草煮蜆：用上牛油、香草及白酒調味，風味似西式Tapas，湯汁香滑，適合配飯或麵包。
酥皮焗周打魚湯：香酥酥皮浸落周打魚湯，香濃滑順
最矚目莫過於日本空運蠔杯配魚子醬，蠔身肥厚飽滿，入口先感受到海水的鹹香與奶滑質感，隨後魚子醬的鹹香爆開，一口奢華，幾乎可與高級餐廳的水準比肩。
其他刺身亦見誠意，三文魚厚切油潤、松葉蟹腳鮮甜爽口、油甘魚油花分布平均、帶子軟滑香甜。壽司方面焦糖鮟鱇脆餅香氣濃郁，海膽軍艦味道濃厚，水準之上。
放題壓軸一定要留肚食甜品～除咗任食雪糕雪條外，仲有日本限定Häagen-Dazs！最後以木瓜燉鮮奶作結，暖笠笠超治癒😋
