Shine (已結業)

今晚同老婆慶祝相識四周年☺️，又嚟到我哋都好鍾意嘅餐廳「Shine」。因為情調同食物都唔錯，慶祝紀念日就最啱啦。不過今次嚟到冇dinner set, 只可以散嗌，但都有好多款新嘅小食。紫薯脆片一坐下來，店員已經送上紫薯脆片，味道唔錯。脆香魷魚配蒜香蛋黃醬今次轉左係魷魚圈，但口感仍然好好，爽口彈牙，炸得香口，配蛋黃醬好好味👍🏻手工豬肉丸子伴溫泉蛋兩粒好大粒嘅手工豬肉丸，裏面係肉碎，外面炸得香脆，配埋溫泉蛋同沙律菜一齊食，口感同味道都非常好😋芒果甜蝦沙律賣相好靚，好似刺身丼咁😍 有好幾隻甜蝦，仲有魚籽，都鮮甜好味，芒果多汁甜美，配上新鮮沙律菜，味道非常好又清新👍🏻海鮮墨汁意大利飯非常推介嘅一個菜式👍🏻 因為真係好好味😋賣相已經好好，大蝦好新鮮，帶子香甜鮮味，墨汁意大利飯煮得非常好，軟硬適中，而且入味，食不停口，下次一定會再叫👍🏻烤豬肋骨配蜜糖薑汁醬油有兩大件豬肋骨，烤得唔錯，醬汁味道亦幾好，啱晒食肉獸。再食都覺得餐廳質素唔錯，下次慶祝都會考慮再去👍🏻