八幡屋日本料理 (已結業)

今日黎到兆萬中心的日本料理餐廳八幡屋，同朋友一起吃任食放題，其中有好多款式都好吸引，可惜我只有一個肚，試唔曬咁多好野，地方環境幾大，又舒服。食放題當然唔少得刺身，我就每樣刺身都叫少少，又好睇又好食，選擇有好多，冷冰特別保持刺身的味道、質素等等。三文魚係我最鐘意的食物之一，三文魚刺身切得夠厚，放落口非常有口感，食幾件會覺得非常滿足。燒物方面我會推薦燒牛舌，味道超軟熟超香口，芝士年糕，炸得剛剛好，有好重芝士味。我十分推介升級加$60，有新鮮生蠔😍，油甘魚刺身，澳洲和牛壽司，珍寶赤蝦刺身等等…真心好正，蠔方面，如果你鐘意食有鮮味，建議食生蠔，因為有冰先可以保持食物最佳的一面，八幡屋非常貼心，雖然我地只係叫四隻，仍然會有一大盤冰，為的是將食物最好一面給食客品嚐。當中有冷有熱，用冰保鮮的生蠔好有鮮味，好濃海水味。至於燒的芝士蠔就好香，我都唔識點揀好，真係一個幸福的煩惱，食埋壽司之後已經好飽，叫左一個蟹粥試下，清清淡淡唔會太濃味好適合大眾，仲有好多料，最後當然唔少得甜品，勁多款嘅選擇，特別推薦櫻花水信玄餅，勁靚影相一流啊，食落去個感覺好似食緊啫喱咁，食得好飽玩得開心，非常滿足。