芝加哥串燒酒場

💡海量款式串燒酒場串燒店，最緊要就係串燒款式夠多，如果有埋酒飲就最perfect喇。今次嚟到呢一間位於蘭桂坊嘅串燒酒場，有200款串燒食，亦都有酒飲，而酒嘅款式都係唔少嘅，有cocktail啦mocktail啦啤酒都有。價錢亦都十分之相宜tim。🍽雞泡魚乾燒得十分之香口，簡直係必定要嗌嘅送酒小食，煙煙靭靭仲要有沙律醬，味道真係唔錯。🍽泰式生蝦刺身生蝦新鮮彈牙，處理得好乾淨，再配有辣椒蒜片，亦有店家秘製醬汁，輕輕帶有酸甜同埋微辣。🍽蔥燒半殼扇貝🍽香蒜蔥花廣島蠔扇貝就十分之先甜美味而且好多汁,廣島蠔就大隻鮮味，口感順滑。🍽極品即燒乳豬串燒場真係第一次見有得食乳豬，乳豬肉香口，乳豬皮就燒到好脆，而且內裏嘅肉汁仲keep得住真係十分之推介，必食！🍽豬大腸外皮焦香，內裏軟滑，上面有孜然，完全吃不到有異味。🍽酒酒類方面，叫左一杯Tequila Sunrise同埋Guinness，食串燒飲下啤酒固之然係爽，但d到連cocktail都有，所以叫返杯Tequila Sunrise黎試下，都幾好飲，Tequila再加埋橙汁，主要都係飲到橙汁味為主，賣相幾好，真係好似日出咁樣，岩晒打卡用。