影片
更多
2019-10-31
56 浏览
生日放六日假，日日都安排左節目，今日男友話帶我去佐敦食好野，估唔到平時慳家既佢今次咁豪氣。先叫左份十八層海膽杯，個北海道紫海膽好好食，層層都有，份量好多，而且好好肉，又有濃厚海膽鮮味，最低層既三文魚籽都超好味又多。每層既刺身都好正，而且每層都食到海膽，380蚊一杯，我覺得鍾意食海膽同刺身必點。我地叫左兩個一人前餐，餐相同既食物都一齊上，兩個餐都超多款餸。薄燒牛肉餐$480一人前，原隻龍蝦帆立貝海鮮餐$780。餐入面既食物會一樣一樣上，好有次序，食完一款，另一款就會到，先黎左個煙鴨胸沙律，好清新。刺身有三文魚北寄貝同大蝦，好鮮甜。西京醬煎銀雪魚，個醬甜甜地，魚又香，好好食。北海道蟹爪，有四隻，仲剝埋殼，好方便，好香口。北海道黑松露帆立貝，好大粒，燒完都仲分到四大粒，好香口鮮甜，好多汁。芝士龍蝦超正，好多芝士，芝士好彈牙又香，龍蝦肉好鮮甜，肉同殼之間啲龍蝦汁好好飲，我地一路食一路係咁讚好食，而且龍蝦都大隻，份量好多，啖啖肉。和牛芝士餅入面既芝士好流心，和牛餅好大舊，燒到好香口好正😍香煎鰻魚片，非常之香口同新鮮，而且脆卜卜👍🏻薄燒牛肉有四大片，包住啲葱，超級好食。飯類我地兩個餐，一個點左黑松
先叫左份十八層海膽杯，個北海道紫海膽好好食，層層都有，份量好多，而且好好肉，又有濃厚海膽鮮味，最低層既三文魚籽都超好味又多。
每層既刺身都好正，而且每層都食到海膽，380蚊一杯，我覺得鍾意食海膽同刺身必點。
我地叫左兩個一人前餐，餐相同既食物都一齊上，兩個餐都超多款餸。
薄燒牛肉餐$480一人前，
原隻龍蝦帆立貝海鮮餐$780。
餐入面既食物會一樣一樣上，好有次序，食完一款，另一款就會到，
先黎左個煙鴨胸沙律，好清新。
刺身有三文魚北寄貝同大蝦，好鮮甜。
西京醬煎銀雪魚，個醬甜甜地，魚又香，好好食。
北海道蟹爪，有四隻，仲剝埋殼，好方便，好香口。
北海道黑松露帆立貝，好大粒，燒完都仲分到四大粒，好香口鮮甜，好多汁。
芝士龍蝦超正，好多芝士，芝士好彈牙又香，龍蝦肉好鮮甜，肉同殼之間啲龍蝦汁好好飲，我地一路食一路係咁讚好食，而且龍蝦都大隻，份量好多，啖啖肉。
和牛芝士餅入面既芝士好流心，和牛餅好大舊，燒到好香口好正😍
香煎鰻魚片，非常之香口同新鮮，而且脆卜卜👍🏻
薄燒牛肉有四大片，包住啲葱，超級好食。
飯類我地兩個餐，一個點左黑松露炒飯，一個點左炒雜菌。
上碟時佢地貼心地將黑松露炒飯分左兩碗，黑松露味好香，而且個炒飯啲蛋好均勻，好有蛋香味。
紙包花膠湯，上碟時係包實左既，店員會剪開佢，啲湯好精華，好鮮甜，有隻大蜆，好多海帶，同一片大花膠。
甜品係四粒泡芙，好滿足👍🏻
杯熱青檸茶苦苦地，感覺好去油膩同熱氣，而且會不停添。
有個bar枱位，師傅會即場鐵板燒既，抽風唔錯，食緊完全唔大味。
男友覺得兩個餐無論材料份量質素同味道都算超值，啲野食整得好精緻，食材新鮮好味。
张贴
