影片
更多
2021-06-18
523 浏览
登登登登…… ☠畢生難忘地獄鐵板燒☠好啦～首先我地係經OpenRice book位，有8折既一入到去坐低佢係咁sale我地要個2人海膽杯果個餐，但我地兩個都唔想食埋同一樣野，所以就分別叫左一個豚肉餐同A5和牛餐再加海膽杯啦！第一張相似出面食高檔餐廳擺位呢～sor,係我自己放既!重點左上角杯茶我第一啖飲落去苦既（幻覺黎架姐，應該甘味黎既）打頭陣有個我唔食既番茄，個番茄呢…唔知似咩！我見到已經知佢係生既，最抵讚佢無皮架!👏👍跟著黎左個刺身～嘩～好鬼正咁喎，噴曬煙，食落去（幻覺黎既，睇黎我食得貴價野少）再黎就係佢最出名，最吸晴既18層地獄……sor，係18層海膽杯……咁個海膽就呃like一流，但第一啖食個海膽就伏左啦～北海道紫海膽～你呃我未食過海膽呀～出面放題來貨最平果隻海膽，仲要腥既!食到想嘔!跟著就係下面果18層地獄啦～成杯野除左腥，我真係食唔到有咩味!再黎有鐵板帶子，正常，無味!仲有蠔，無影相，因為怪怪的～佢加左柚子茶果個醬上去!食到鵝肝啦～嘩好厚好大件，但可以比返多士我嗎？無啦啦用咩淮山呢～仲要襯一個酸既汁同黑加侖子爆珠！？咩玩法！👽（新穎菜色，識條鐵咩）好啦～開始我地兩個都食到懷疑
好啦～首先我地係經OpenRice book位，有8折既
一入到去坐低佢係咁sale我地要個2人海膽杯果個餐，但我地兩個都唔想食埋同一樣野，所以就分別叫左一個豚肉餐同A5和牛餐再加海膽杯啦！
第一張相似出面食高檔餐廳擺位呢～sor,係我自己放既!重點左上角杯茶我第一啖飲落去苦既（幻覺黎架姐，應該甘味黎既）
打頭陣有個我唔食既番茄，個番茄呢…唔知似咩！我見到已經知佢係生既，最抵讚佢無皮架!👏👍
跟著黎左個刺身～嘩～好鬼正咁喎，噴曬煙，食落去（幻覺黎既，睇黎我食得貴價野少）
再黎就係佢最出名，最吸晴既18層地獄……sor，係18層海膽杯……咁個海膽就呃like一流，但第一啖食個海膽就伏左啦～北海道紫海膽～你呃我未食過海膽呀～出面放題來貨最平果隻海膽，仲要腥既!食到想嘔!跟著就係下面果18層地獄啦～成杯野除左腥，我真係食唔到有咩味!
再黎有鐵板帶子，正常，無味!
仲有蠔，無影相，因為怪怪的～佢加左柚子茶果個醬上去!
食到鵝肝啦～嘩好厚好大件，但可以比返多士我嗎？無啦啦用咩淮山呢～仲要襯一個酸既汁同黑加侖子爆珠！？咩玩法！👽（新穎菜色，識條鐵咩）
好啦～開始我地兩個都食到懷疑人生，黎個豬同牛啦～老闆好好人薄燒豬今晚無曬貨，所以免費升級左厚燒豚肉～嘩，名副其實柚子汁燒豬排！而個牛呢就柚子爆珠加大量蒜既薄燒平價肥牛……🤬（我叫A5,個餐價錢真係比唔到我咩？）
我開始忍唔住佢果杯原來係花旗參青檸茶～比熱杯水我吧啦！個口苦到自己都唔知做緊咩!😱真係飲唔到花旗參味!
鐵板炒飯應該係最正常既，但佢無啦啦整個雲朵蛋，又升級左個腥味!😵
係漏左個紙包海鮮湯～隻蜆咬唔開架～粒冬菇可以煲到無味又似海棉!🤮
好啦～我真係忍唔住啦（去個廁所先）返到黎見到個自家制甜品～嘩～你又當我鄉下黎架～黎貨既忌廉泡芙，自家唧個朱古力醬係面就當係呀！🤯
後黎搭車上網睇返，我以為佢依間野係新既（樂），點知係之前個名（S2鐵板燒）太臭改左名，伏到一個點!假如你有錢又唔介意比錢去食地獄野既，依間係一流既餐廳!中伏點可以去到1000！
樂師傅：海膽達人，鐵板燒魂!
我本人：苦不堪言，食完離魂!
希望佢快快結業，唔好再遺害人間！
张贴
