影片
更多
2018-12-07
89 浏览
今晚黎開餐嘅呢間餐廳喺石板街旁邊嘅樓梯位, 雖然位置唔算當眼, 但由於門口掛左好多又大又光嘅燈籠, 所以一 D 都唔難搵｡餐廳嘅筷子套裝都幾特別｡只要將一次性嘅木筷子頭插喺可以重用嘅筷子套入面, 就會變成一對長長嘅筷子喇｡餐牌第一頁就列出所有推介創作菜式｡十層海膽杯終於都可以一嚐呢個十層海膽杯, 最上層插左塊燒白飯魚脆片, 之後就係十層食材: 黑魚子、北海道紫海膽、沖繩海葡萄、藍鰭吞拿魚拖羅蓉、三文魚子、白蝦、北海道紫海膽、松葉蟹肉、北海道紫海膽、鮮海帶碎｡ 每一層嘅海鮮刺身都非常新鮮, 尤其係海膽, 色澤金黃, 肉質肥厚, 味道超級鮮甜, 每層口感都好唔同, 好有層次, 係必食推介菜式｡牛油果帆立貝洋風海膽沙律呢個沙律絕對唔可以睇少, 除左用上一般新鮮沙律菜 & 蕃茄仔外, 仲加入大量牛油果、帆立貝 & 海膽, 清新嘅蔬果配上鮮甜嘅刺身, 簡直係 Prefect Match 呀 !芝士年糕烤到漲卜卜, 賣相非常飽滿, 咬開入面全部都係芝士, 口感軟綿得黎又好煙韌, 食完一 D 都唔膩｡清酒鮑魚雞翼就咁睇以為係好普通嘅燒雞翼, 其實係內有乾坤｡ 雞翼已經去左骨, 入面釀左隻鮑魚, 而個
餐廳嘅筷子套裝都幾特別｡
只要將一次性嘅木筷子頭插喺可以重用嘅筷子套入面, 就會變成一對長長嘅筷子喇｡
餐牌第一頁就列出所有推介創作菜式｡
十層海膽杯
終於都可以一嚐呢個十層海膽杯, 最上層插左塊燒白飯魚脆片, 之後就係十層食材: 黑魚子、北海道紫海膽、沖繩海葡萄、藍鰭吞拿魚拖羅蓉、三文魚子、白蝦、北海道紫海膽、松葉蟹肉、北海道紫海膽、鮮海帶碎｡ 每一層嘅海鮮刺身都非常新鮮, 尤其係海膽, 色澤金黃, 肉質肥厚, 味道超級鮮甜, 每層口感都好唔同, 好有層次, 係必食推介菜式｡
牛油果帆立貝洋風海膽沙律
呢個沙律絕對唔可以睇少, 除左用上一般新鮮沙律菜 & 蕃茄仔外, 仲加入大量牛油果、帆立貝 & 海膽, 清新嘅蔬果配上鮮甜嘅刺身, 簡直係 Prefect Match 呀 !
芝士年糕
烤到漲卜卜, 賣相非常飽滿, 咬開入面全部都係芝士, 口感軟綿得黎又好煙韌, 食完一 D 都唔膩｡
清酒鮑魚雞翼
就咁睇以為係好普通嘅燒雞翼, 其實係內有乾坤｡ 雞翼已經去左骨, 入面釀左隻鮑魚, 而個鮑魚係用清酒浸醃過, 所以一咬落去, 除左啖啖肉外, 仲食到陣陣清酒嘅香味, 非常有創意嘅小食｡
海膽燒岩蠔
燒蠔上面鋪左熟海膽 & 蟹籽, 雖然熟海膽冇新鮮海膽咁香甜, 但配襯到去較濃味嘅燒蠔上, 味道都算有驚喜｡
特色海膽火焰卷
店員會喺放滿鹽嘅碟上面倒入酒精, 然後點火, 所以係名乎其實嘅火焰卷｡
火焰卷面層鋪有芝士、帆立貝、海膽、蟹籽, 而且有微微用火槍燒過, 食落去有陣陣焦香, 味道唔錯, 又食得又睇得｡
雲海板上飄
店員將放滿乾冰嘅碗入面倒入清水, 成個菜色即時變成雲海一樣, 煙霧瀰漫, 玩味十足｡ 唔好以為呢款係普通嘅拉麵, 其實佢係叫蒟蒻麵, 口感 Q 彈, 比較特別, 麵上面放左好多黑松露 & 海膽, 令味道較淡嘅蒟蒻麵增加唔少鮮味｡
海膽雪糕
海膽都可以做雪糕 !?! 冇錯, 而且仲係餐廳自家制, 雪糕充滿淡淡海膽味, 加埋面頭嘅海膽一齊食, 真係 O-i-shi-i !!
张贴
