影片
更多
2018-12-13
75 浏览
今晚黎到佐敦呢間創意鐵板燒餐廳｡餐廳座位唔算好多, 除左有望住師傅煮鐵板燒嘅座位外, 旁邊仲有 4-5 張獨立枱｡每人都會有個小茶杯, 入面放左一粒小青檸, 店員會斟上花旗參茶, 只要蓋上杯蓋焗一焗就飲得｡創意餐廳連對筷子都咁有創意, 只要將一次性嘅木筷子頭插喺可以重用嘅筷子套入面, 就會變成一對長長嘅筷子｡Order 左個海膽杯盛宴二人餐, 由頭盤到甜品, 一共有12道｡蟹肉黑醋沙律杯蟹肉份量唔少, 而且帶點鹹香｡ 黑醋配沙律 & 豆腐, 食落去好開胃｡ 北海道3點盛合有 3 款刺身: 北寄貝、三文魚、赤蝦, 全部都夠晒肥美新鮮｡樂師傅十層海膽杯 (Mini 版)呢個十層海膽杯真係不得了, 完全係可以一次過滿足晒鐘意食刺身嘅慾望｡ 最上層插左塊燒白飯魚脆片, 之後就係黑魚子、海膽、拖羅蓉、海葡萄、帶子、三文魚子、白蝦、海膽、松葉蟹肉、海帶碎, 層層分明｡每一層刺身都非常新鮮, 尤其係海膽, 色澤金黃, 肉質肥厚, 味道超級鮮甜, 係必食推介菜式｡蟹粉甲羅燒海膽杯材料有黑魚子、海膽、海葡萄、三文魚子、蟹肉 & 蟹膏, 店員建議撈埋一齊食, 味道當然係冇得輸啦 !!海膽焗原條海參海參加入
餐廳座位唔算好多, 除左有望住師傅煮鐵板燒嘅座位外, 旁邊仲有 4-5 張獨立枱｡
每人都會有個小茶杯, 入面放左一粒小青檸, 店員會斟上花旗參茶, 只要蓋上杯蓋焗一焗就飲得｡
創意餐廳連對筷子都咁有創意, 只要將一次性嘅木筷子頭插喺可以重用嘅筷子套入面, 就會變成一對長長嘅筷子｡
Order 左個海膽杯盛宴二人餐, 由頭盤到甜品, 一共有12道｡
蟹肉黑醋沙律杯
蟹肉份量唔少, 而且帶點鹹香｡ 黑醋配沙律 & 豆腐, 食落去好開胃｡
北海道3點盛合
有 3 款刺身: 北寄貝、三文魚、赤蝦, 全部都夠晒肥美新鮮｡
樂師傅十層海膽杯 (Mini 版)
呢個十層海膽杯真係不得了, 完全係可以一次過滿足晒鐘意食刺身嘅慾望｡ 最上層插左塊燒白飯魚脆片, 之後就係黑魚子、海膽、拖羅蓉、海葡萄、帶子、三文魚子、白蝦、海膽、松葉蟹肉、海帶碎, 層層分明｡每一層刺身都非常新鮮, 尤其係海膽, 色澤金黃, 肉質肥厚, 味道超級鮮甜, 係必食推介菜式｡
蟹粉甲羅燒海膽杯
材料有黑魚子、海膽、海葡萄、三文魚子、蟹肉 & 蟹膏, 店員建議撈埋一齊食, 味道當然係冇得輸啦 !!
海膽焗原條海參
海參加入海膽醬 & 辣椒一齊煮, 味道帶點微辣, 而海參較有彈性, 配埋醬汁食簡直一流｡
北海道海膽流沙松茸大蝦多士
將起晒肉 & 用海膽醬煮過嘅大蝦放喺香脆嘅多士上面, 口感彈牙爽口, 就連個蝦頭都好有焦香味｡
海膽醬芝士焗龍蝦
用上大量芝士, 而且芝士用火槍微微燒過, 所以散發出芝士的焦香味｡ 龍蝦爽口彈牙, 同時仍保留到豐富嘅肉汁｡ 芝士配龍蝦, 又點會唔好味呢 !?!
A5 和牛松茸海膽卷
Order 左個和牛 5 成熟, 肉質嫩滑, 而且有豐富嘅油香, 入面仲包住海膽添, 非常奢華｡
蟹粉海膽黑松露炒飯
用左蟹粉、海膽、黑松露、蛋、蔥粒一齊炒, 炒到粒粒分明, 非常乾身, 而且黑松露味香濃, 食落去仲啖啖蟹粉 & 海膽添｡
燒野菜
椰菜 & 蘿白絲用醬汁炒熟, 簡單又清甜｡
S2 特色松茸蜆湯
用左個非常耐熱嘅食用袋裝住成個湯, 蜆味濃郁, 而且加入海帶、秋葵 & 香菇, 健康又味美｡
海膽雪糕
餐廳自家制雪糕, 雪糕充滿淡淡海膽味, 加埋面頭嘅海膽一齊食, 非常有創意 !!
张贴
