海膽屋

营业中

休息中

一黎到海膽屋就當然要食海膽啦 而我地就由最貴價既馬糞海膽入手 北海道黎既 有埋牌子信得過 粒粒都好完整 有冰座住唔會溶 試一試就咁食 清甜得黎有好微好微腥 始終唔係當地食話一點都唔腥就呃你 但都係我係香港食過最好食既質素 呢個價錢都岩呀 加埋紫菜就得返鮮甜 一點腥味都無 好快就比我地清曬哈哈再黎軟殼蟹手卷 新鮮熱辣辣的 香脆可口 配埋一大塊滑滑既牛油果 大滿足！再試一試壽司 三文魚腩大推 實在太好食啦 一點都唔吝嗇咁厚切 可以咬成兩半仲慢慢回味真係難得 好後悔叫咁少哈哈 火炙壽司就就咁燒沒有醬汁 有點可惜 同埋叫左海膽玉子 佢上左普通玉子 問返佢話因爲賣曬所以幫我地轉左 um ... 如果下次講聲先會好d咁我就唔叫啦普通既 食多幾件三文魚腩咪仲好佢地壽司就唔係特別款 主要都係新鮮取勝 醋飯比例都ok 唔算太實唔會食到勁飽 再比多個機會火炙 沒有失望 左口魚有海鹽調味食落個人都醒一醒 勁好食 加左兩蚊芝士去三文魚 非常夾既組合 大家可以試一試 其他就不過不失啦總結：黎海膽屋都係建議返大家食返海膽啦 咁黎到就唔好就住就住 直接叫馬糞海膽啦 真係值得食