影片
更多
2018-10-13
65 浏览
上个月本来去大阪旅行，顺便去神户、和歌山食好野，好不幸地关西机场关闭，旅程被迫取消而转战越南，但我哋仲好念念不忘日本美食，既然无得去日本，唯有喺香港食餐好野补番数！朋友极力推介嚟呢度食海胆，咁就嚟呢度食豪佢啦！呢度似居酒屋咁，地方唔大，大约有18个位，咁啱被安排坐吧枱，可以近距离睇住师傅煮野食。但因店面太细，侍应不时行过都会掂到...十层海胆杯 - 白饭鱼薄脆好香，脆卜卜。黑鱼子集海水鲜味、咸香于一身。再食北海道紫海胆，入口软滑顺口，非常鲜味，一d苦涩都无，仲足足有三层之多，绝不姑寒！第一次食海葡萄，够爽口！带子好鲜味，三文鱼子唔腥，粒粒脆卜卜，吞拿鱼拖罗入口即溶，仲有松叶蟹肉，海水鲜甜味喺口腔久久不散。$398 系值得既！👍🏻杨枝甘露沙律 - 有苹果丝、芒果同柚子粒粒，苹果丝非常清爽，芒果唔酸甜甜地，加埋柚子粒粒，成个沙律好清新，好开胃﹗芝士年糕 - 见到师傅喺焗炉拎出嚟，新鲜滚热辣，真系要等佢摊冻少少先食得﹗一咬落去好软熟，好似食紧烧棉花糖咁，外面仲烧到少少脆，芝士味唔算浓，但咁样先唔会太漏﹗一人一个真系唔多够喉﹗🤤海胆烧岩蚝 - 见到师傅将生蚝先放入焗炉焗，再用烧枪烧，蟹籽食落卜
呢度似居酒屋咁，地方唔大，大约有18个位，咁啱被安排坐吧枱，可以近距离睇住师傅煮野食。但因店面太细，侍应不时行过都会掂到...
十层海胆杯 - 白饭鱼薄脆好香，脆卜卜。黑鱼子集海水鲜味、咸香于一身。再食北海道紫海胆，入口软滑顺口，非常鲜味，一d苦涩都无，仲足足有三层之多，绝不姑寒！第一次食海葡萄，够爽口！带子好鲜味，三文鱼子唔腥，粒粒脆卜卜，吞拿鱼拖罗入口即溶，仲有松叶蟹肉，海水鲜甜味喺口腔久久不散。$398 系值得既！👍🏻
杨枝甘露沙律 - 有苹果丝、芒果同柚子粒粒，苹果丝非常清爽，芒果唔酸甜甜地，加埋柚子粒粒，成个沙律好清新，好开胃﹗
芝士年糕 - 见到师傅喺焗炉拎出嚟，新鲜滚热辣，真系要等佢摊冻少少先食得﹗一咬落去好软熟，好似食紧烧棉花糖咁，外面仲烧到少少脆，芝士味唔算浓，但咁样先唔会太漏﹗一人一个真系唔多够喉﹗🤤
海胆烧岩蚝 - 见到师傅将生蚝先放入焗炉焗，再用烧枪烧，蟹籽食落卜卜脆，海胆好甜，焗蚝一D都唔靭，好食﹗
三文鱼夹饼创作寿司 - 斋睇个名其实都估唔到系咩，原来系三文鱼粒粒加沙律酱，再加两块薄脆，又一清新之选﹗
清酒鲍鱼鸡翼 - 第一次见鲍鱼酿入鸡翼，即刻觉得好名贵﹗鸡翼烧得刚刚好，入面嘅鲍鱼似系鲜鲍，虽然唔觉有清酒味，但好爽口弹牙，有创意﹗
云海板上飘 - 食冷面好惊佢会太稔无咬口，但呢个一D都唔会﹗听侍应讲好似系将三文鱼子、海胆打汁，再与冷面捞匀，食落好爽口，好够味，配埋北海道紫海胆一齐食，好想再食多碟﹗😋
海胆雪糕 - 原来海胆变左雪糕会系咸咸地咁，奶味唔会好重，但好滑，味道刚刚好﹗
呢餐海胆餐非常满足，原来海胆可以有咁多玩法，师傅真系好有创意，仲有好多野想食，有机会一定要再嚟试晒佢﹗
张贴
