瀛豐放題料理專門店

香港放題集團式經營就多，小店做嘅真係唔多。銅鑼灣呢間瀛豐放題我一直都覺得佢哋嘅刺身同埋熟食水準都幾好。

重點重點係，我最鍾意食佢哋海膽帶子，呢個放眼成個香港都唔覺有邊間放題有提供！😋😋滿足晒我鍾意食海膽嘅願望，仲可以無限追加。

舖頭環境都幾大，飲品櫃、甜品櫃隨便自己攞，電子落單方便，冇出現漏單嘅情況，上菜速度快，夠時間食多幾輪。😚😚

升級後生啤都可以任飲，食2個鐘時間唔算倉猝，捧住個肚走，性價比幾高嘅一間放題👍🏻👍🏻