影片
更多
2018-06-20
62 浏览
今日終於試到想去好耐嘅S2 kitchen! 之前成日喺instagram見到呢度嘅海膽杯，真係超級吸引！所以，我第一樣點嘅，就係十層海膽杯！十層海膽杯材料非常豐富，有燒白飯魚脆片、黑魚子、北海道紫海膽、沖繩海葡萄、藍鰭吞拿拖羅蓉、三文魚子、白蝦、松葉蟹肉及海帶！其中海膽仲佔咗三層，好甜好creamy。沖繩海葡萄有啖啖嘅海水鹹香，食落脆卜卜咁，好得意。其他配料鮮味十足，睇得又食得。芝士年糕熱辣辣，咬開時芝士醬湧出，外層年糕軟糯，最鍾意mochi口感嘅食物！櫻花蝦玉子比較甜，蛋香都好濃，聞落有好鮮嘅櫻花蝦味。青蘋果蟹籽沙律我好鍾意啊，青蘋果酸酸甜甜，用黎做沙律一流，開胃又refreshing!s2特色海膽火焰卷呢個壽司卷相當有氣勢。以為師傅喺吧檯內燒過卷物就係火焰卷，點知上枱嘅時候都係on fire! wow! 海膽配帶子，再舖上沙律醬同照燒醬，好惹味！清酒鮑魚雞翼雞翼內釀咗原隻鮑魚，而鮑魚有濃列嘅清酒味，配搭好特別。海膽燒岩蠔繼續有creamy海膽置頂，芝士再加燒蠔，鮮味又帶肥仔芝士香，邪惡！雲海板上飄上枱嘅時候飄來陣陣白煙，煙霧效果又係引人注目！冷蒟蒻麵上舖左唔少嘅海膽，麵條彈牙，質
今日終於試到想去好耐嘅S2 kitchen! 之前成日喺instagram見到呢度嘅海膽杯，真係超級吸引！所以，我第一樣點嘅，就係十層海膽杯！
十層海膽杯
材料非常豐富，有燒白飯魚脆片、黑魚子、北海道紫海膽、沖繩海葡萄、藍鰭吞拿拖羅蓉、三文魚子、白蝦、松葉蟹肉及海帶！其中海膽仲佔咗三層，好甜好creamy。沖繩海葡萄有啖啖嘅海水鹹香，食落脆卜卜咁，好得意。其他配料鮮味十足，睇得又食得。
芝士年糕
熱辣辣，咬開時芝士醬湧出，外層年糕軟糯，最鍾意mochi口感嘅食物！
櫻花蝦玉子
比較甜，蛋香都好濃，聞落有好鮮嘅櫻花蝦味。
青蘋果蟹籽沙律
我好鍾意啊，青蘋果酸酸甜甜，用黎做沙律一流，開胃又refreshing!
s2特色海膽火焰卷
呢個壽司卷相當有氣勢。以為師傅喺吧檯內燒過卷物就係火焰卷，點知上枱嘅時候都係on fire! wow! 海膽配帶子，再舖上沙律醬同照燒醬，好惹味！
清酒鮑魚雞翼
雞翼內釀咗原隻鮑魚，而鮑魚有濃列嘅清酒味，配搭好特別。
海膽燒岩蠔
繼續有creamy海膽置頂，芝士再加燒蠔，鮮味又帶肥仔芝士香，邪惡！
雲海板上飄
上枱嘅時候飄來陣陣白煙，煙霧效果又係引人注目！冷蒟蒻麵上舖左唔少嘅海膽，麵條彈牙，質感如芋絲，非常有趣！
海膽雪糕
北海道牛奶雪糕混合咗海脆肉，又鹹又甜嘅感覺幾得意，係個美好嘅結束。
呢餐嘅海膽宴的確令人吃上癮，無諗過今日咁瘋狂食咗咁多高質素嘅海膽，下次再帶海脆痴嘅朋友嚟拆多餐！
张贴
