一生懸麵

营业中

休息中

成日聽日講呢間店，今日終於約左friend去試 我地12點半去到，唔使排隊，坐左門口位，我叫左個熱既特濃豚骨沾麵，佢就食熱既海老沾麵，另外我地叫左個唐楊炸雞share。 沾麵叫完兩分鐘左右就黎到，都幾大碗，有半個溏心蛋同兩件叉燒，仲有啲荀絲，呢間店用既係粗荀絲，我朋友加錢要多左但份量就加得唔多。 我個豚骨沾麵湯底還好，唔算太濃，亦都唔係好夠熱，只係微暖，唔係好食到豚骨味，香味亦一般，溏心蛋正常水平，叉燒半肥瘦反而幾好。反而朋友個個海老沾麵有驚喜，好濃蝦味好特別，無食豚骨甘dry，多啲層次。 另外個唐楊炸雞屬中等水平，一碟4件，皮正常厚度，雖然唔算好乾，但其實都無咩肉汁，只可以話勝在啖啖肉啦。 總括黎講，呢間店價錢唔算太貴，水準屬中間程度，不過不失，要排長龍我可能就唔會選擇啦。