八月居 (海港城) (已結業)

星期日一家人喺八月居食晚飯，餐廳分頭圍尾圍，咁有大有細就㨂咗頭圍6點啦！餐廳侍應好快及好有禮貌地安排好座位，但係安排俾我地13人張枱就比較細少少，感覺有啲迫，跟住睇下Menu就落單。首先嚟咗”鮑魚花膠富貴雞”，原來係高級版嘅乞兒雞，呢個菜好香兼足料，都幾多花膠同埋啲雞肉都滑㗎！之後老火湯-青木瓜瘦肉湯跟住上埋，一飲落去就feel到一煲好濃味嘅湯。其餘啲菜正常味道啦，咕嚕肉、炒鮮奶、燘海班、炒芥蘭等等。另外值得推介佢地嘅BB豬同洛神花黑豚肉骨，BB豬皮脆唔在講，啲肉都幾嫰吓，加埋啲乳豬醬喺底，一食真係停唔到口。個洛神花骨味道醒胃，唔太甜同太酸，肉質新鮮。八月居AE咭有折，埋單兩千頭都算抵食啦~