渝味曉宇重慶老火鍋 (太子集團中心) (已結業)

香港人鍾意打邊爐就大家都知，但係兔子多數打邊爐都係夜晚食嘅，第一次下午就去打邊爐，無他，只不過想環境清幽啲，少人啲，少啲中招！一上到黎太子集團中心呢一間渝味曉宇，一望個景，真係不得了呀！今日天氣好，當然加分。望住一個咁靚嘅景色打邊爐，就好似變咗食high tea咁興奮！上到黎仲俾兔子發現原來午市做緊免費湯底，咁兩個人都慳左成$80 ，個優惠仲要係星期一至日都用到，好大方！湯底揀咗鴛鴦鍋，因為唔太食得辣嘅關係，特別吩咐廚房要小辣，但係嚟到都見到滿滿嘅辣椒，唔知如果冇輕手度係咩情況呢？！十大必點入邊，店長推介我哋一定要試下咗重慶炸酥肉，佢話一定唔會後悔！講到咁肯定，就信佢啦！我哋坐低左之後，店員就會主動送上一碗糖水，兔子就覺得好驚奇啦，一問之下發現，原來個糖水係用來”養胃”，先飲一碗，之後就算食咗一啲辛辣刺激性食物，對胃部嘅負擔都會減少好多！兔子覺得呢一個舉動真係好細心！好快就上滿一枱嘅食物，超級豐富呀！我哋見到都覺得自己會唔會叫得太多，但係最後慢慢食下食下，又比我哋食得晒喎。特別介紹下手工萵筍，平時嘅萵筍係厚切，今次係薄切，比較容易吸收湯底嘅味道。另外仲有好得意嘅迷你燕餃，真係好迷你嘅一