鮨千月 (已結業)

係openrice見到天后依間新開嘅日本餐廳有個咁靚嘅海景，lunch set都正係百幾蚊起跳幾抵食，今日經過附近就嚟咗試下。前菜有沙律 & 茶碗蒸，茶碗蒸水汪汪咁，好嫩滑，仲有魚籽，雞肉同冬菇一齊蒸，仲有個碗都好靚。特級壽司 9貫 ($340)有甜蝦，拖羅，池魚，海膽等等，每一舊都好新鮮，望住個海景食特別有鮮味，拖羅肥美，海膽鮮甜。江戶前刺身丼 ($220)超級大碗，上面有好多款角切刺身包括三文魚，油甘魚，吞拿魚，全部都係厚切嘅，CP值好高。最後仲有紅豆雪糕食，入面有一粒粒嘅紅豆，為我哋依一餐畫上一個完美嘅句號。