Yadllie Plate 야들리애플래이트 (海之戀商場)

 韓國過江龍「Yadllie Plate」終於登陸荃灣，餐廳位於海之戀商場 2 樓，趁今日去完 Donki 入貨，專登過嚟呢間新分店試下。餐廳面積頗大，佔地約 3000 呎，裝潢幾有特色，以英倫歐陸車站為藍本，燈光富情調，令人有猶如置身於車廂內用餐般，別具風情。先嚟一份白切五花腩 ($288)，五花腩用爐蒸住上桌，肉質軟腍，肥瘦比例啱啱好，食落唔覺嚡口，用生菜捲住，再配上蒜頭同醬料一齊食，更添滋味。跟住係驚喜二重奏 ($258)，即安格斯頂級肉眼拼炸雞。牛排以熱石盛載，上桌前已切成一件件，客人可以自己調校生熟度，只須輕煎兩邊即可享用。牛排鮮嫩有嚼勁，肉質爽滑，入口帶牛脂甘香。炸雞都好有水準，外皮香脆，粉漿唔會過厚，雞肉仍然 keep 到嫩滑，咬開仲有肉汁流出。另外呢客八爪魚煎餅 ($128)  亦非常值得推薦，底面都煎得十分香脆，入面有超多八爪魚肉，入口唔會太油膩，配埋兩款辛香微辣嘅醬汁食，perfect match。意猶未盡，再加多份火炙牛 ($98)，成品上桌後，店員會即席喺客人面前用火槍炙燒牛肉，鎖住肉汁，食落焦香又有牛味，入口即化。飲品點咗杯養生生薑茶 ($38) 同 香蕉沙冰