漁獲浜燒 (已結業)

好幾年前來食，一直都好想再來，估唔到餐廳依然坐無虛席，好受歡迎，問了店員今日時令魚係咩？他介紹可試伊佐木魚$480，於是叫了刺身同炸魚頭，刺身切得好薄，通透，師傅刀功利害，魚味清新帶點魚的鮮味，點埋酸汁，令魚味提升。之後點了幾款時令海鮮，叫了時令活蠔濱燒$136有2隻，嘩！隻活生蠔超大隻，像拳頭般大，好滑，蠔的礦物味道濃郁，活鮑魚濱燒$196有2 隻，好名貴，店員介紹可蘸醬汁，分別有三款，海鮮甜醬，柚子胡椒，七味味噌醬，鮑魚燒完都好大隻，肉質彈牙，好鮮甜，到品嚐我的至愛之一北海道鱈場蟹腳濱燒$196，蟹腳好肥美，肉又多，成條蟹棒，店員燒到緊緊熟，又用濱燒又用火槍燒至剛好，令肉質保留鮮味，又甜又有肉汁。另一至愛北海道帆立貝$276有2 隻，店員好用心燒，介紹用兩種烹調方式去燒，分別是清酒同牛油燒，珍寶級數，肉質彈牙，清酒加埋帆立貝帶子鮮甜味，成個當湯飲，非常好味。牛油味帆立貝向來都係絕配，香噴噴。冇諗過日本菜也可一味兩食，炸伊佐木魚魚頭同魚骨，超好食，魚鮫位都有小小魚肉，鰭同骨都炸得非常酥脆，好香口，好似食緊魚皮咁，食到停唔到口，餸杯酒一流。叫了杯柚子梅酒$65，好清甜，有陣陣酒醇香味。