I's Land Cafe (已結業)

又去觀塘尋寶啦，今日我同朋友去左一間新開餐廳，叫is land cafe！見openrice好似環境幾好咁，又近近地，所以去試下！入到餐廳，環境好浪漫，天花係佈滿樹葉，又有燈泡，又有花做點綴，服務都好好，坐位仲好舒服，有sofa坐，地方又夠大，傾計吾洗驚人聽到，情侶去最岩！我地嗌左兩個dinner set分別係窄身厚切美國頂級肉眼扒同比目魚併雜菌天使麵配海膽忌廉汁，包左餐包湯同飲品，我地仲加左$88有加拿大/美國生蠔四隻！吾洗一陣就嚟左四隻生蠔，有檸檬同生蠔汁配食，生蠔好新鮮，仲洗得好乾淨，吾會食到有沙，加拿大蠔蠔味吾會太濃，好好味丫！！比目魚併雜菌天使面都好好食！魚外面煎得好香好脆，少少鹽吊出鮮味！肉質又好滑，熱辣辣上碟，諗落都流口水丫，汁係忌廉汁都岩岩好，吾會太咸，好岩我口味！美國頂級肉眼扒都好正！嗌左七成熟就真係岩岩好，吾會over左，好嫩，好多肉汁，吾un，有少少肥同肉連住，正！一邊仲有薯容同瓜菜蕃茄，岩岩好，欣賞蕃茄，好厚肉，見得出各方面都顧及，好細心！最後我地仲嗌左甜品，士多啤梨窩夫，自選左綠茶同北海道360牛乳雪糕！一上碟，外表已經好吸引，份量都好多！窩夫整得好好食，吾會